ചാരായ റെയ്‌ഡിനിടെ രണ്ട് നാടൻ തോക്കും, എട്ട് തിരകളും പിടികൂടി.

കണ്ണൂർ : കേളകത്ത് നടത്തിയ പരിശോധനയിൽ രണ്ട് നാടൻ തോക്കും, എട്ട് തിരകളും പിടികൂടി. പേരാവൂർ എക്‌സൈസ് നടത്തിയ പരിശോധയിലാണ് തോക്കുകൾ കണ്ടെടുത്തത്.വനാതിർത്തിയിലെ കൃഷിയിടത്തിൽ ഒളിപ്പിച്ച നിലയിൽ ആയിരുന്നു ഇവ കിട്ടിയത്. ഓണം സ്‌പെഷ്യൽ ഡ്രൈവിന്റെ ഭാഗമായാണ് പ്രദേശത്ത് എക്‌സൈസ് പരിശോധന നടത്തിയത്. തോക്കുകളും തിരകളും കേളകം പോലീസിന് കൈമാറി.സംസ്ഥാനത്ത് ആക്രമണം നടത്താൻ പദ്ധതിയിട്ടവരാണ് തോക്കുകൾ പ്രദേശത്ത് എത്തിച്ചത് എന്നാണ് വിവരം. സംഭവത്തിൽ പോലീസ് അന്വേഷണം ആരംഭിച്ചു.