ഷാരൂഖ് ഖാൻ തമിഴിൽ അരങ്ങേറ്റം കുറിക്കുന്നു.

ബോളിവുഡ് കിംഗ് ഷാരൂഖ് ഖാൻ തമിഴിൽ അരങ്ങേറ്റം കുറിക്കുന്നു. പുറത്ത് വരുന്ന റിപ്പോര്‍ട്ടുക‍ൾ അനുസരിച്ചാണെങ്കിൽ സംവിധായകൻ ആറ്റ്‌ലിയുടെ വിജയ് ചിത്രത്തിൽ വില്ലനായാകും ബോളിവുഡ് സൂപ്പർ സ്റ്റാറിന്റെ തമിഴ് അരങ്ങേറ്റം. ചിത്രത്തിൽ അതിഥി വേഷമാകും ഷാരൂഖിനെന്നാണ് പറയപ്പെട്ടിരുന്നുവെങ്കിലും ഇത് വെറുമൊരു അതിഥി വേഷമാകില്ല എന്നാണ് ഇപ്പോഴത്തെ റിപ്പോര്‍ട്ടുകൾ.

വിജയുടെ അറുപത്തിമൂന്നാം ചിത്രത്തിന് ഇതുവരെ പേരായിട്ടില്ല. ദളപതി 63 എന്ന് വിളിക്കപ്പെടുന്ന ചിത്രത്തിൽ ഷാരൂഖ് ആകും മുഖ്യ വില്ലൻ എന്നാണ് പറയപ്പെടുന്നത്. ചിത്രത്തിൽ ക്ലൈമാക്സിനോടടുത്ത് ആകും ബോളിവുഡ് ബാദ്ഷായുടെ കടന്നു വരവ്. ഹിന്ദിയിലെ ഒരു പ്രമുഖ താരം തന്നെ ചിത്രത്തിൽ വേണമെന്ന് നിർമ്മാതാക്കൾ തുടക്കം മുതൽ ആഗ്രഹിച്ചിരുന്നു. സംവിധായകൻ ആറ്റ്‌ലി ഷാരൂഖ് ഖാനെ സമീപിച്ചതോടെ നിബന്ധനകളോട് അദ്ദേഹം സമ്മതം മൂളുകയായിരുന്നു.