ടാക്സ് വെട്ടിപ്പ് ! ക​ൺ​സ​ർ​വേ​റ്റി​വ് പാ​ർ​ട്ടി ചെ​യ​ർ​മാ​ൻ ന​ദീം സ​ഹാ​വി​യെ ഋ​ഷി സു​ന​ക് മ​ന്ത്രി​സ​ഭ​യി​ൽ​നി​ന്ന് പു​റ​ത്താ​ക്കി

ലണ്ടൺ | ക​ൺ​സ​ർ​വേ​റ്റി​വ് പാ​ർ​ട്ടി ചെ​യ​ർ​മാ​ൻ ന​ദീം സ​ഹാ​വി​യെ ഋ​ഷി സു​ന​ക് മ​ന്ത്രി​സ​ഭ​യി​ൽ​നി​ന്ന് പു​റ​ത്താ​ക്കി. സ​ഹാ​വി നി​കു​തി​വെ​ട്ടി​പ്പു​മാ​യി ബ​ന്ധ​പ്പെ​ട്ട് പി​ഴ​യ​ട​ച്ചി​ട്ടു​ണ്ടെ​ന്നും മ​ന്ത്രി​യാ​കു​മ്പോ​ൾ ഇ​ക്കാ​ര്യം ടാ​ക്സ് അ​തോ​റി​റ്റി​യെ അ​റി​യി​ച്ചി​ല്ലെ​ന്നു​മാ​ണ് ആ​രോ​പ​ണം.സുനക്കിന്റെ നൈതിക ഉപദേഷ്ടാവ് ലോറി മാഗ്നസിന്റെ അന്വേഷണ റിപ്പോർട്ട് യുകെ സർക്കാർ പുറത്തുവിട്ടു.മുൻ ചാൻസലറെ നീക്കണമെന്ന പ്രതിപക്ഷത്തിന്റെ ആവശ്യത്തിനിടെ അദ്ദേഹത്തിന്റെ നികുതി കാര്യങ്ങളിൽ അന്വേഷണത്തിന് സുനക് ഉത്തരവിട്ടിരുന്നു.ബോറിസ് ജോൺസൺ ഗവൺമെന്റിൽ രാജ്യത്തിന്റെ ട്രഷറിയുടെ ചുമതലയായിരിക്കുമ്പോൾ സഹാവി ദശലക്ഷക്കണക്കിന് ഡോളറിന്റെ അടക്കാത്ത നികുതി ബിൽ തീർപ്പാക്കിയതായി ആരോപണം നേരിട്ടിരുന്നു.

ന​ദീം സ​ഹാ​വി​യെ മ​ന്ത്രി​സ​ഭ​യി​ൽ​നി​ന്ന് നീ​ക്ക​ണ​മെ​ന്ന് പ്ര​തി​പ​ക്ഷം ആ​വ​ശ്യ​പ്പെ​ട്ടി​രു​ന്നു. സ്വ​ത​ന്ത്ര അ​ന്വേ​ഷ​ണ​ത്തി​ൽ ച​ട്ട​ലം​ഘ​നം വ്യ​ക്ത​മാ​യെ​ന്നും അതിനാൽ മ​ന്ത്രി​സ​ഭ​യി​ൽ​നി​ന്ന് നീ​ക്കു​ക​യാ​ണെ​ന്നും ഋ​ഷി സു​ന​ക് സ​ഹാ​വി​ക്ക് അയച്ച ക​ത്തി​ൽ ചൂ​ണ്ടി​ക്കാ​ട്ടി. രാജ്യം പ്രതിസന്ധിയിലൂടെ കടന്നുപോയ നിരവധി സന്ദർഭങ്ങളിൽ സഹവിയുടെ പ്രവർത്തനം നിർണായകമായതായി ഋ​ഷി സു​ന​ക് കത്തിൽ കൂട്ടിച്ചേർത്തു.നികുതി അടയ്ക്കാത്തതിനെച്ചൊല്ലി എച്ച്എംആർസിയുമായി തർക്കമുണ്ടായതിനെത്തുടർന്ന് പ്രശ്നം പരിഹരിക്കാൻ സഹവി പിഴയടച്ചു. ഇതോടെ സഹവിക്കെതിരെ കൂടുതൽ അന്വേഷണത്തിന് ഉത്തരവിടുകയായിരുന്നു.