ഇറ്റാനഗർ | അരുണാചൽ പ്രദേശ് സ്വദേശിയായ പതിനേഴുകാരനെ ചൈനീസ് പട്ടാളം തട്ടിക്കൊണ്ട് പോയെന്ന് പോലീസ്. അപ്പർ സിയാങ് ജില്ലയിലെ സിഡോ ഗ്രാമത്തിൽ നിന്നുള്ള മിറാം ടരോണിനെയാണ് ചൈനയുടെ പീപ്പിൾസ് ലിബറേഷൻ ആർമി തട്ടിക്കൊണ്ട് പോയത്.
ഇന്ത്യ-ചൈന അതിർത്തിയിൽ കൂട്ടുകാരുമൊത്ത് സമയം ചെലവഴിക്കുന്നതിനിടെ ചൈനീസ് പട്ടാളം യുവാവിനെ തട്ടിക്കൊണ്ട് പോയെന്ന് ഒപ്പമുണ്ടായിരുന്നവർ പറഞ്ഞു. വിവരം ലഭിച്ചപ്പോൾ തന്നെ ഇന്ത്യൻ സൈന്യത്തെ ഇത് അറിയിക്കുകയും കുട്ടിയെ രക്ഷപ്പെടുത്താനുള്ള പ്രവർത്തനങ്ങൾ ആരംഭിക്കുകയും ചെയ്‌തെന്ന് അപ്പർ സിയാങ് ഡെപ്യൂട്ടി കമ്മീഷണർ ശാശ്വത് സൗരഭ് അറിയിച്ചു.

സംഭവം വിശദീകരിച്ചുകൊണ്ട് ബിജെപി എമപി താപിർ ഗാവോവും രംഗത്തെത്തിയിട്ടുണ്ട്. കുട്ടിയെ തിരികെ ലഭിക്കാൻ രാജ്യത്തെ രഹസ്യാന്വേഷണ ഏജൻസികളുടെ സഹായം വേണമെന്നും അദ്ദേഹം ആവശ്യപ്പെട്ടു.

അരുണാചൽ എംപി തപിർ ഗാവോ പറയുന്നതനുസരിച്ച്, അപ്പർ സിയാങ് ജില്ലയിലെ സിഡോ ഗ്രാമത്തിൽ നിന്നുള്ള ഷ് മിറാം തരോൺ എന്ന ആൺകുട്ടിയെ ചൊവ്വാഴ്ച ഇന്ത്യൻ പ്രദേശത്തിനുള്ളിൽ നിന്ന് തട്ടിക്കൊണ്ടുപോയിട്ടുള്ളത് .മിറാമിനെ തന്റെ സുഹൃത്തിനൊപ്പം വേട്ടയാടാൻ പോയപ്പോൾ ബിഷിംഗ് ഗ്രാമത്തിലെ സിയുങ്‌ല പ്രദേശത്ത് നിന്ന് പി‌എൽ‌എ ബന്ദിയാക്കുകയായിരുന്നുവെന്ന് ഈസ്റ്റ് മോജോയിലെ റിപ്പോർട്ടിൽ ഗാവോ പറഞ്ഞു.ചൈനീസ് പട്ടാളം മിറാമിനെ തട്ടിക്കൊണ്ടുപോയ വിവരം ഇയാൾക്കൊപ്പം ചൈനീസ് പട്ടാളം (പി‌എൽ‌എ )യുടെ പിടിയിൽ നിന്ന് രക്ഷപ്പെട്ട അദ്ദേഹത്തിന്റെ സുഹൃത്ത് മറ്റുള്ളവരോട് പറയുകയും അരുണാചൽ പ്രദേശ് സര്ക്കാരിന് പരാതി നൽകുകയും
ചെയ്തിട്ടുണ്ട് .

മിറാമിനെ തട്ടിക്കൊണ്ടുപോകൽ ഇത്തരത്തിലുള്ള ആദ്യത്തെ തട്ടിക്കൊണ്ടുപോകൽ സംഭവമല്ല. 2020 സെപ്റ്റംബറിൽ, അഞ്ച് യുവാക്കൾ വേട്ടയാടുകയും അപ്പർ സുബൻസിരി ജില്ലയിലെ നാച്ചോയിലെ സെറ -7 ഏരിയയിൽ നിന്ന് ചൈനീസ് സൈന്യം അവരെ തട്ടിക്കൊണ്ടുപോയതായി ഈസ്റ്റ് മോജോ റിപ്പോർട്ട് ചെയ്യുന്നു.