ബാബുവിന് ആശ്വസം !എം സ്വരാജിന്റെ ഹര്ജിതള്ളി ബാബുവിന് എം എൽ എ ആയിതുടരാം
ശബരിമല വിഷയത്തില് അയ്യപ്പന്റെ ചിത്രം വോട്ടേഴ്സ് സ്ലിപ്പില് ഉപയോഗിച്ചെന്ന് സ്വരാജ് ഹര്ജിയില് ചൂണ്ടിക്കാട്ടിയിരുന്നു
![The High Court verdict today on the petition filed by M Swaraj against K Babu.](https://indiavisionmedia.com/wp-content/uploads/2024/04/m-swaraj-k-babu.jpg)
കൊച്ചി | തൃപ്പൂണിത്തുറ നിയമസഭാ മണ്ഡലത്തിലെ തെരഞ്ഞെടുപ്പ് റദ്ദാക്കണമെന്ന ഹർജി ഹൈക്കോടതി തള്ളി. കെ ബാബുവിന്റെ വിജയം റദ്ദാക്കണമെന്ന എതിർ സ്ഥാനാർത്ഥി എം സ്വരാജിന്റെ ഹര്ജിയാണ് ഹൈക്കോടതി തള്ളിയത്. മതചിഹ്നങ്ങള് ഉപയോഗിച്ച് ബാബു വോട്ടുപിടിച്ചെന്നായിരുന്നു സ്വരാജിന്റെ പരാതി. ജസ്റ്റിസ് പി ജി അജിത് കുമാറിന്റെ ബെഞ്ചാണ് വിധി പറഞ്ഞത്.കഴിഞ്ഞ വര്ഷം മാര്ച്ചിലാണ് തൃപ്പൂണിത്തുറയില് കെ ബാബുവിന്റെ നിയമസഭ തെരഞ്ഞെടുപ്പ് വിജയത്തിനെതിരെ എതിര് സ്ഥാനാര്ത്ഥി എം സ്വരാജ് ഹൈക്കോടതിയില് ഹര്ജി നല്കിയത്.
ശബരിമല വിഷയത്തില് അയ്യപ്പന്റെ ചിത്രം വോട്ടേഴ്സ് സ്ലിപ്പില് ഉപയോഗിച്ചെന്ന് സ്വരാജ് ഹര്ജിയില് ചൂണ്ടിക്കാട്ടിയിരുന്നു. സംസ്ഥാനത്ത് എറ്റവും വാശിയേറിയ പോരാട്ടമായിരുന്നു കഴിഞ്ഞ നിയമസഭ തെരഞ്ഞെടുപ്പില് തൃപ്പൂണിത്തുറയില് നടന്നത്. എല്ഡിഎഫ് സ്ഥാനാർത്ഥിയായ എം സ്വരാജിനെതിരെ യുഡിഎഫ് സ്ഥാനാര്ത്ഥി കെ ബാബു 992 വോട്ടുകള്ക്കാണ് വിജയിച്ചത്.ശബരിമല സ്ത്രീ പ്രവേശന വിഷയം ഉയര്ത്തി അയ്യപ്പനെ മുന്നിര്ത്തിയാണ് ബാബു പ്രചാരണം നയിച്ചതെന്ന് ചൂണ്ടിക്കാട്ടിയാണ് ഫലം വന്നതിന് തൊട്ട് പിന്നാലെ സ്വരാജ് ഹൈക്കോടതിയിലെത്തിയത്. മതത്തെ ഉപയോഗിച്ച് പ്രചാരണം നടത്തിയത് ജനപ്രാതിനിധ്യ നിയമത്തിന്റെ ലംഘനമാണ് എന്നായിരുന്നു വാദം. പ്രചാരണ സാമഗ്രികളുടെ ചിത്രങ്ങളടക്കം തെളിവായി കോടതിയില് സമര്പ്പിച്ചിരുന്നു.