ക്ഷേമപെന്‍ഷന്‍ വിതരണം ആരംഭിച്ചതിന് പിന്നാലെ ബാങ്കുകള്‍ക്ക് മുന്നില്‍ നീണ്ട നിര
അഞ്ച് ദിവസം കൊണ്ട് പെന്‍ഷന്‍ കൊടുത്ത് തീര്‍ക്കാനാണ് നിലവില്‍ ഉദ്ദേശിക്കുന്നത്
തിരുവനന്തപുരം: സംസ്ഥാനത്ത് ക്ഷേമപെന്‍ഷന്‍ വിതരണം ആരംഭിച്ചതിന് പിന്നാലെ ബാങ്കുകള്‍ക്ക് മുന്നില്‍ നീണ്ട നിര. തലസ്ഥാന നഗരത്തിലുള്‍പ്പടെ ബാങ്കുകളില്‍ പെന്‍ഷന്‍ വാങ്ങാനായി നിയന്ത്രണങ്ങള്‍ ലംഘിച്ച്‌ ആളുകള്‍ എത്തുകയാണ്. അതേസമയം, ബാങ്കുകള്‍ക്ക് മുന്നിലെ പെന്‍ഷന്‍കാരുടെ തിരക്ക് നിയന്ത്രിക്കാന്‍ ഉടന്‍ നടപടിയെടുക്കുമെന്ന് ധനമന്ത്രി തോമസ് ഐസക് പറഞ്ഞു.പെന്‍ഷന്‍ വാങ്ങാന്‍ ബാങ്കുകള്‍ക്ക് മുന്നില്‍ തിരക്ക് കൂട്ടിയാല്‍ ഇത് നല്‍കുന്നത് നിര്‍ത്തിവെയ്ക്കും. അഞ്ച് ദിവസം കൊണ്ട് പെന്‍ഷന്‍ കൊടുത്ത് തീര്‍ക്കാനാണ് നിലവില്‍ ഉദ്ദേശിക്കുന്നത്. ആവശ്യമെങ്കില്‍ ഇത് 10 ദിവസമാക്കി ദീര്‍ഘിപ്പിക്കുമെന്നും തോമസ് ഐസക് പറഞ്ഞു.