അഫ്ഗാനിസ്ഥാനിൽ സിഖ് ആരാധനാലയത്തില്‍ ചാവേറ് ആക്രമണം
ഷോര്‍ ബസാര്‍ ഏരിയയിലെത്തിയ തോക്കുധാരികള്‍ സിഖ് ആരാധനാലയത്തിന് നേരെ ആക്രമണം നടത്തുകയായിരുന്നു
കാബൂള്‍: അഫ്ഗാനിസ്താനിലെ കാബൂളിലുള്ള സിഖ് ആരാധനാലയത്തില്‍ ചാവേറുകള്‍ ആക്രമണം നടത്തി. രാവിലെ ഏഴു മണിയോടെ ഷോര്‍ ബസാര്‍ ഏരിയയിലെത്തിയ തോക്കുധാരികള്‍ സിഖ് ആരാധനാലയത്തിന് നേരെ ആക്രമണം നടത്തുകയായിരുന്നു. വെടിവെപ്പില്‍ നിരവധി പേര്‍ക്ക് പരിക്കേറ്റു.
ഗുരദ്വാരയില്‍ ആരാധനക്കായി നിരവധി പേര്‍ എത്തിയിരുന്നു. വെടിവെപ്പിനെ തുടര്‍ന്ന് സ്ഥലത്തെത്തിയ സുരക്ഷ സേന അക്രമികളുമായി ഏറ്റുമുട്ടി.ഗുരുദ്വാരയുടെ ഒന്നാം നിലയില്‍ കുടുങ്ങിക്കിടക്കുന്ന നിരവധി പേരെ രക്ഷപ്പെടുത്തിയതായും സൈന്യം അറിയിച്ചു.പരിക്കേറ്റവരെ ആശുപത്രിയില്‍ പ്രവേശിപ്പിച്ചു. സംഭവ സ്ഥലത്തേക്ക് അഫ്ഗാന്‍ പ്രത്യേക സേനയെ അയച്ചിട്ടുണ്ട്.കാബൂളിലെ ഷോര്‍ ബസാര്‍ പ്രദേശത്ത് നിരവധി ഗുരുദ്വാരകളുണ്ടായിരുന്നു.