പീഡനാരോപണം: സംവിധായകൻ രഞ്ജിത്ത് സബ് ജയിലിലേക്ക്

ലൈംഗികാതിക്രമക്കേസിൽ അറസ്റ്റിലായ സംവിധായകൻ രഞ്ജിത്ത്-നെ കോടതി 14 ദിവസത്തേക്ക് റിമാൻഡ് ചെയ്തു. എറണാകുളം ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി ഒന്നാണ് നടപടി സ്വീകരിച്ചത്. പ്രതിയെ എറണാകുളം സബ് ജയിലിലേക്ക് മാറ്റും. ജാമ്യാപേക്ഷയിൽ ഇന്ന് തന്നെ കോടതി വാദം കേൾക്കും.

പരാതി വ്യാജമാണെന്നും കേസ് നിയമപരമായി നേരിടുമെന്നും രഞ്ജിത്ത് പ്രതികരിച്ചു. വൈദ്യപരിശോധനയ്ക്ക് ശേഷം സ്റ്റേഷനിലേക്ക് കൊണ്ടുപോകാതെ മജിസ്‌ട്രേറ്റിന്റെ വസതിയിലേക്ക് എത്തിച്ചതിൽ പൊലീസ് അനാവശ്യ തിടുക്കം കാട്ടിയെന്ന് അഭിഭാഷകൻ ആരോപിച്ചു. പരാതിയെക്കുറിച്ച് തനിക്ക് അറിവില്ലെന്നും രഞ്ജിത്ത് മൊഴി നൽകിയെങ്കിലും അന്വേഷണ സംഘം ഇത് വിശ്വസിച്ചിട്ടില്ല.

സിനിമാ ലൊക്കേഷനിൽ കൂടുതൽ പ്രാധാന്യമുള്ള റോളിന്റെ പേരിൽ കാരവാനിലേക്ക് വിളിച്ചുവരുത്തി ലൈംഗികമായി ഉപദ്രവിക്കാൻ ശ്രമിച്ചുവെന്ന നടിയുടെ പരാതിയിലാണ് അറസ്റ്റ്. സംഭവസമയത്ത് ലൊക്കേഷനിലുണ്ടായിരുന്നവരെയും ഐസിസി അംഗങ്ങളെയും ചോദ്യം ചെയ്യുമെന്ന് പൊലീസ് അറിയിച്ചു. എറണാകുളത്ത് നിന്ന് തൊടുപുഴയിലേക്ക് പോകുന്നതിനിടെ മുട്ടത്ത് വെച്ച് പൊലീസ് കസ്റ്റഡിയിലെടുത്ത് പിന്നീട് കൊച്ചി പൊലീസിന് കൈമാറുകയായിരുന്നു.