ബംഗ്ലാദേശ് എഴുത്തുകാരൻ ഷഹസാഹാനെ അജ്ഞാതർ വെടിവച്ചുകൊന്നു
ഇഫ്താർ വിരുന്നിനു ശേഷം ഷഹസാഹാൻ വീടിനു സമീപമുള്ള മെഡിക്കൽ ഷോപ്പിൽ നിൽക്കുമ്പോഴായിരുന്നു ആക്രമണം. അഞ്ചു പേരാണ് ആക്രമണം നടത്തിയത്
ധാക്ക: ബംഗ്ലാദേശ് മതേതര എഴുത്തുകാരനും പ്രസാധകനുമായ ഷഹസാഹാൻ ബച്ചുവിനെ (60) അജ്ഞാതർ വെടിവച്ചുകൊന്നു. തിങ്കളാഴ്ച വൈകുന്നേരം ബംഗ്ലാദേശിലെ മുൻഷിഗഞ്ച് ജില്ലയിലായിരുന്നു സംഭവം. ബംഗ്ലാദേശിൽ മതനിരപേക്ഷതയുടെ പ്രമുഖ വക്താക്കളിൽ ഒരാളായിരുന്നു ഷഹസാഹാൻ.
ഇഫ്താർ വിരുന്നിനു ശേഷം ഷഹസാഹാൻ വീടിനു സമീപമുള്ള മെഡിക്കൽ ഷോപ്പിൽ നിൽക്കുമ്പോഴായിരുന്നു ആക്രമണം. അഞ്ചു പേരാണ് ആക്രമണം നടത്തിയത്. അക്രമി സംഘം നാടൻ ബോംബ് എറിഞ്ഞ് ഭീകരാന്തരീക്ഷം സൃഷ്ടിച്ച ശേഷം ഷഹസാഹാനെ കടയിൽനിന്നും വലിച്ചിറക്കി നിറയൊഴിക്കുകയായിരുന്നു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.