അണ്ടർ 19 ലോക കപ്പ് ക്രിക്കറ്റിൽ പാകിസ്താനെ പരാജയപ്പെടുത്തി ഇന്ത്യ ഫൈനലിലേക്ക്
പാകിസ്താനെ 10 വിക്കറ്റിന് പരാജയപ്പെടുത്തി ഇന്ത്യന്‍ യൗവനങ്ങള്‍ അണ്ടര്‍ 19 ലോക കപ്പ് ക്രിക്കറ്റിെന്‍റ ഫൈനലിലേക്ക് അനായാസം മാര്‍ച്ച്‌ ചെയ്തു. തുടര്‍ച്ചയായ രണ്ടാം കിരീടം ലക്ഷ്യമാക്കി കുതിക്കുന്ന ഇന്ത്യക്കു മുന്നില്‍ വെല്ലുവിളി ഉയര്‍ത്താനാവാതെയായിരുന്നു പാക് കീഴടങ്ങല്‍. തുടര്‍ച്ചയായ നാലാം ഫൈനലിലേക്കാണ് ഈ വിജയത്തോടെ ഇന്ത്യ മാര്‍ച്ച്‌ ചെയ്തത്. ബംഗ്ലാദേശ് – ന്യൂസിലാന്‍ഡ് രണ്ടാം സെമിയിലെ ജേതാക്കളുമായി കലാശപ്പോരില്‍ ഇന്ത്യ ഏറ്റുമുട്ടും.
പാകിസ്ഥാന്‍ ഉയര്‍ത്തിയ 173 റണ്‍സിെന്‍റ ലക്ഷ്യം യശസ്വി ജയ്സ്വാളിെന്‍റ അത്യുജ്ജ്വല സെഞ്ച്വറിയുടെയും ദിവ്യാംശ് സക്സേനയുടെ അര്‍ധ സെഞ്ച്വറിയുടെയും ബലത്തില്‍ ഇന്ത്യ അനായാസം മറികടക്കുകയായിരുന്നു. ആമിര്‍ അലിയുടെ പന്ത് ജയ്സ്വആള്‍ ലോങ് ഓണിലൂടെ സിക്സറിന് പറത്തി വിജയവും സെഞ്ച്വറിയും ഒന്നിച്ചു വരുതിയിലാക്കുകയായിരുന്നു. അപരാജിതമായ ബാറ്റിങ്ങ് മികവില്‍ ഇന്ത്യ കീഴടക്കുമ്ബോള്‍ പിന്നെയും എറിയാന്‍ 88 പന്ത് ബാക്കിയുണ്ടായിരുന്നു. 113 പന്തില്‍ നാല് സിക്സറും എട്ട് ബൗണ്ടറിയുമടക്കമാണ് ജയ്സ്വാള്‍ 105 റണ്‍സെടുത്തത്. 99 പന്തില്‍ ആറ് ബൗണ്ടറികളുടെ അകമ്ബടിയോടെയായിരുന്നു സക്സേനയുടെ 59 റണ്‍സ്. പാക് ബൗളിങിന് ഒരവസരവും നല്‍കാതെയായിരുന്നു ഇരുവരുടെയും അപരാജിതമായ 176 റണ്‍സിെന്‍റ ഒന്നാം വിക്കറ്റ് കൂട്ടുകെട്ട്.