വിവാഹത്തിന് മുൻപ് ബ്യൂട്ടീപാര്‍ലറില്‍ മേക്കപ്പിന് പോയ യുവതിയുടെ മുഖം വികൃതമായി ,കല്യാണം മുടങ്ങി
10 ദിവസം മുമ്പ് പട്ടണത്തിലെ ഗംഗാശ്രീ ഹർബൽ ബ്യൂട്ടി പാർലർ ആന്റ് സ്പായിൽ വച്ചാണ് വിവാഹം മുന്നോടിയായി മേക്കപ്പ് ചെയ്തത് . മേക്കപ്പിന് ശേഷം, വധുവിന്റെ മുഖം വീർത്തതും വിരൂപവും വികൃതവും ആയി മാറി.
ബെംഗളൂരു | ബ്യൂട്ടീപാര്‍ലറില്‍ ഒരുങ്ങാന്‍ പോയ യുവതിയുടെ മുഖം കരിവാളിച്ച് വീര്‍ത്തതിനെ തുടര്‍ന്ന് വരന്‍ വിവാഹത്തില്‍ നിന്ന് പിന്മാറിയതായി റിപ്പോർട്ട്. വിവാഹത്തിന് മുന്നോടിയായി ബ്യൂട്ടിപാര്‍ലറില്‍ ഒരുങ്ങാന്‍ പോയ യുവതിയുടെ മുഖമാണ് കരിവാളിച്ച് വീര്‍ത്തത്. കര്‍ണാടകയിലെ ഹസന്‍ ജില്ലയിലാണ് സംഭവം. 10 ദിവസം മുമ്പ് പട്ടണത്തിലെ ഗംഗാശ്രീ ഹർബൽ ബ്യൂട്ടി പാർലർ ആന്റ് സ്പായിൽ വച്ചാണ് വിവാഹം മുന്നോടിയായി മേക്കപ്പ് ചെയ്തത് . മേക്കപ്പിന് ശേഷം, വധുവിന്റെ മുഖം വീർത്തതും വിരൂപവും വികൃതവും ആയി മാറി.
ശരീരം മാരകമായി തടിച്ചു പൊങ്ങി വികൃതമായ യുവതിയെ ആശുപത്രിയില്‍ ഐ സി യു ൽ പ്രവേശിപ്പിച്ചിരിക്കുകയാണ്.വിവാഹത്തിന് ഒരുങ്ങാന്‍ ബ്യൂട്ടിപാര്‍ലറില്‍ പോയ യുവതിയുടെ മുഖം കരുവാളിച്ച് വീര്‍ത്തുത്. വിവാഹത്തിന് കൂടുതല്‍ സുന്ദരിയാകുന്നതിന് വേണ്ടി ബ്യൂട്ടിഷനെ സമീപിക്കുകയായിരുന്നു യുവതി. പുതിയ രീതിയിലുള്ള മേക്കപ്പ് ചെയ്യാന്‍ ശ്രമിച്ചതിനെ തുടര്‍ന്നാണ് അപകടമുണ്ടായത്. ഫൗണ്ടേഷന്‍ പുരട്ടിയതിനു ശേഷം ബ്യൂട്ടിഷന്‍ വധുവിന്റെ മുഖത്ത് ആവിക്കൊള്ളിച്ചു. തുടര്‍ന്ന് മുഖം പൊള്ളാനും വീര്‍ക്കാനും തുടങ്ങുകയായിരുന്നു. സംഭവത്തില്‍ യുവതിയുടെ വീട്ടുകാര്‍ ബ്യൂട്ടിപാര്‍ലര്‍ ഉടമക്കെതിരെ പൊലീസില്‍ പരാതി നല്‍കി. പരാതിയുടെ അടിസ്ഥാനത്തില്‍ പാര്‍ലര്‍ ഉടമയായ ഗംഗ എന്ന യുവതിയെ പൊലീസ് ചോദ്യം ചെയ്തുവരികയാണെന്ന് പൊലീസ് അറിയിച്ചു.