വാര്ഡ് വിഭജന ബില്ലിന്റെ കരടിനു മന്ത്രിസഭ അംഗീകാരം നല്കി.
ഈ മാസം മുപ്പത് മുതല് നിയമസഭ സമ്മേളനം തുടങ്ങും
![](https://indiavisionmedia.com/wp-content/uploads/2020/01/f19a6107-c8db-4013-bd48-baba5ce5336c.jpg)
ജനസംഖ്യ രജിസ്റ്ററും പൗരത്വ രജിസ്റ്ററും നടപ്പാക്കില്ലെന്ന് കേരളം. തീരുമാനം സെന്സസ് ഡയറക്ടറെ അറിയിക്കും. ഈ മാസം മുപ്പത് മുതല് നിയമസഭ സമ്മേളനം തുടങ്ങാനും ഇന്ന് ചേര്ന്ന മന്ത്രിസഭാ യോഗം തീരുമാനിച്ചു. തദ്ദേശ ഭരണ സ്ഥാപനങ്ങളിലെ വാര്ഡ് വിഭജന തീരുമാനവുമായി മുന്നോട്ട് പോകാന് തന്നെയാണ് സര്ക്കാര് പദ്ധതി. വാര്ഡ് വിഭജന ബില്ലിന്റെ കരടിനും മന്ത്രിസഭ അംഗീകാരം നല്കി.
തദ്ദേശ വാര്ഡുകള് വിഭജിക്കുന്നത് സംബന്ധിച്ച ഓര്ഡിനന്സില് ഗവര്ണര് തീരുമാനം എടുത്തിട്ടില്ല. ഓര്ഡിനന്സില് ഒപ്പിടാനോ തിരിച്ചയ്കാനോ ഗവര്ണര് തയ്യാറായിട്ടില്ല. സര്ക്കാരും ഗവര്ഡണറും തമ്മില് തര്ക്കം നിലനില്ക്കെ ഓര്ഡിനന്സിലെ അതേ കാര്യങ്ങള് തന്നെ ഉള്പ്പെടുത്തിയാണ് ബില്ല് തയ്യാറാക്കിയിട്ടുള്ളത്.അതേസമയം സെന്സസ് നടപടികളുമായി മുന്നോട്ട് പോകാനും തീരുമാനം ആയിട്ടുണ്ട്. ജനന തിയ്യതി മാതാ പിതാക്കളുടെ വിവരം എന്നിവ ഒഴിവാക്കും. ഇത് അനാവശ്യമാണെന്നാണ് സംസ്ഥാന സര്ക്കാരിന്റെ തീരുമാനം.
20 ദിവസമായി തുടരുന്ന പ്രതിസന്ധിക്ക് ബദല് എന്ന നിലയിലാണ് ബില്ലിന്റെ കരട് തയ്യാറാക്കിയിട്ടുള്ളത്. ബില്ല് നിയമസഭയില് അവതരിപ്പിച്ച് പാസാക്കിയെടുക്കാനാണ് സര്ക്കാര് നീക്കം. 30 മുതല് നിയമസഭാ സമ്മേളനം തുടങ്ങാനുള്ള ശുപാര്ശയും സര്ക്കാര് ഗവര്ണര്ക്ക് സമര്പ്പിക്കും. ഗവര്ണറുടെ നയപ്രഖ്യാപനത്തോടെയാണ് നിയമസഭാ സമ്മേളനം തുടങ്ങുന്നത്