ഉന്നാവോയില് ബലാത്സംഗത്തിന് ഇരയായ യുവതിയെ പ്രതികള് ചുട്ടുക്കൊന്ന സംഭവത്തില് ആറ് പോലീസുകാര്ക്ക് സസ്പെന്ഷന്
ഭാടിന് ഖേഡായ്ക്ക് അടുത്തുള്ള ബീഹാര് പോലീസ് സ്റ്റേഷനിലെ ഉദ്യോഗസ്ഥരെയാണ് സസ്പെന്ഡ് ചെയ്തത്
![](https://indiavisionmedia.com/wp-content/uploads/2019/12/unova.png)
ഡല്ഹി: ഉന്നാവോയില് ബലാത്സംഗത്തിന് ഇരയായ യുവതിയെ പ്രതികള് ചുട്ടുക്കൊന്ന സംഭവത്തില് ആറ് പോലീസുകാര്ക്ക് സസ്പെന്ഷന്. ഭാടിന് ഖേഡായ്ക്ക് അടുത്തുള്ള ബീഹാര് പോലീസ് സ്റ്റേഷനിലെ ഉദ്യോഗസ്ഥരെയാണ് സസ്പെന്ഡ് ചെയ്തത്.സ്റ്റേഷന് ഇന്ചാര്ജായ അജയ് ത്രിപാഠി, അരവിന്ദ് സിങ് രഖു വൈശി, എസ്ഐ ശ്രീറാം തിവാരി, പോലീസുകാരായ പങ്കജ് യാദവ്, മനോജ്, സന്ദീപ് കുമാര് എന്നിവരെയാണ് അന്വേഷണ വിധേയമായി സസ്പെന്ഡ് ചെയ്തത്. എസ് പി വിക്രാന്ത് വീറാണ് സസ്പെന്ഡ് ചെയ്തുകൊണ്ടുള്ള ഉത്തരവ് ഇറക്കിയത്. യുവതിയെ പ്രതികള് തീയിട്ട് കൊലപ്പെടുത്തിയ സമയത്ത് ഈ പ്രദേശത്തിന്റെ ചുമതലയിലുള്ള പോലീസ് സ്റ്റേഷനിലെ ഉദ്യോഗസ്ഥരായിരുന്നു ഇവരെല്ലാം.