യു എസ് ഉത്തരകൊറിയൻ പ്രതിനിധികൂടിക്കാഴ്ച ആദ്യo

വാഷിംഗ്ടൺ: അമേരിക്കൻ പ്രസിഡന്‍റ് ഡോണൾഡ് ട്രംപും ഉത്തരകൊറിയൻ ഭരണാധികാരി കിം ജോംഗ് ഉന്നും തമ്മിലുള്ള ചരിത്രപരമായ ഉച്ചകോടിക്ക് മുമ്പ് ഇരു രാജ്യങ്ങളുടെയും പ്രതിനിധികൾ തമ്മിൽ കൂടിക്കാഴ്ച നടത്തും. തിങ്കളാഴ്ചയാണ് സിംഗപ്പൂരിൽ വച്ച് പ്രതിനിധികൾ ചർച്ച നടത്തുക. ചൊവ്വാഴ്ചയാണ് ലോകം ഉറ്റുനോക്കുന്ന ട്രംപ്-കിം ഉച്ചകോടി നടക്കുന്നത്.ഉച്ചകോടിയുടെ ഒരുക്കങ്ങൾ വിലയിരുത്തുന്നതിനാണ് പ്രതിനിധികൾ തമ്മിൽ ചർച്ച നടത്തുന്നത്. വൈറ്റ്ഹൗസ് വൃത്തങ്ങളാണ് ഇത് സംബന്ധിച്ച വിവരങ്ങൾ‌ വ്യക്തമാക്കിയത്.

ച​രി​ത്ര​ത്തി​ൽ ആ​ദ്യ​മാ​യാ​ണ് ഉ​ത്ത​ര​കൊ​റി​യ​ൻ നേ​താ​വ് അ​മേ​രി​ക്ക​ൻ പ്ര​സി​ഡ​ന്‍റു​മാ​യി കൂ​ടി​ക്കാ​ഴ്ച ന​ട​ത്തു​ന്ന​ത്. സിം​ഗ​പ്പൂ​രി​ലെ സെ​ന്‍റോ​സ ദ്വീ​പി​ലെ ക​പ്പെ​ല്ലാ ഹോ​ട്ട​ലി​ലാ​ണ് ഉച്ചകോടി. നേരത്തെ, നിശ്ചയിച്ച കൂടിക്കാഴ്ച സംബന്ധിച്ച് ട്രംപ് സ്വീകരിച്ച വ്യത്യസ്ത നിലപാപാടുകൾ ആശങ്കകൾക്കിടയാക്കിയിരുന്നു.

ആദ്യം ഉച്ചകോടി നടക്കുമെന്ന് പറഞ്ഞ ട്രംപ് പിന്നീട് ഇത് നടക്കില്ലെന്ന് പറഞ്ഞു, അതിനുശേഷം ഉച്ചകോടി നടക്കാൻ സാധ്യതകൾ ബാക്കിയാണെന്ന് വ്യക്തമാക്കി. ഒടുവിൽ ഉച്ചകോടി നടക്കുമെന്ന് ആവർത്തിക്കുകയായിരുന്നു.