കമറുദീനെ കസ്റ്റഡിയിൽ വിട്ടില്ല ജയിലിൽ ചോദ്യം ചെയ്യാം

കണ്ണൂർ :ഫാഷൻഗോൾഡ് സാമ്പത്തിക നിക്ഷേപ തട്ടിപ്പുമായി ബന്ധപ്പെട്ട് കണ്ണൂരിൽ രജിസ്റ്റർ ചെയ്ത കേസുകളിൽ മഞ്ചേശ്വരം എംഎൽഎ എം.സി കമറുദ്ദീനെ ചോദ്യം ചെയ്യാൻ കോടതിയുടെ അനുമതി.നൽകി കണ്ണൂർ പയ്യന്നൂരിൽ രജിസ്റ്റർ ചെയ്ത 13 കേസുകളിൽ പ്രത്യേക അന്വേഷണ സംഘത്തിന് ജയിലിലെത്തി ചോദ്യം ചെയ്യാംമെന്നു കോടതി ഉത്തരവിട്ടു പയ്യന്നൂർജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയുടേതാണ് നടപടി .

ചോദ്യം ചെയ്യലിന് കോടതി അനുമതി ലഭിച്ചതിനെത്തുടര്ന്നു അന്വേഷണ സംഘം നാളെ കണ്ണൂർ സെൻട്രൽ ജയിലിലെത്തി കമറുദ്ദീനെ ചോദ്യം ചെയ്യും .കമുദീനെ ചോദ്യം ചെയ്യാൻ രണ്ട് ദിവസത്തെ കസ്റ്റഡി അപേക്ഷയുമായാണ് അന്വേഷണ സംഘം കോടതിയെ സമീപിച്ചത്. കമറുദ്ദീന് ആരോഗ്യ പ്രശ്‌നങ്ങളുണ്ടെന്ന് പ്രതിഭാഗം അഭിഭാഷകൻ കോടതിയെ അറിയിച്ചു. ഈ സാഹചര്യത്തിലാണ് കസ്റ്റഡി ആവശ്യമില്ലെന്നും ജയിലിലെത്തി ചോദ്യം ചെയ്യാമെന്നും കോടതി നിർദേശിച്ചത്. കഴിഞ്ഞ ദിവസം കാസർഗോഡ് ജില്ലയിലെ 12 കേസുകളിൽ എംഎൽഎയെ ജയിലിൽ ചോദ്യം ചെയ്യാൻ ഹൊസ്ദുർഗ് ഫസ്റ്റ് ക്ലാസ് മജിസ്‌ട്രേറ്റ് കോടതി അന്വേഷണ സംഘത്തിന് അനുമതി നൽകിയിരുന്നു.മറ്റു ജില്ലകളിൽ രജിസ്റ്റർ ചെയ്തിട്ടുള്ള കേസ്സുകളിൽ ആൺവേഷണ സംഘം കമുദീന്റെ കസ്റ്റഡി ആവശ്യപ്പെട്ടു കോടതിയെ സമീപിക്കും