അറബിക്കടലിന്റെ തെക്ക് പടിഞ്ഞാറന് ഭാഗത്ത് ന്യൂനമര്ദം സംസ്ഥാനത്തു കനത്തമഴക്ക് സാധ്യത
മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റും മോശം കാലാവസ്ഥയും തുടരാനിടയുള്ളതിനാല് തെക്ക് അറബിക്കടല്, മാലിദ്വീപ്,ലക്ഷദ്വീപ് മേഖല,കേരള തീരം എന്നിവിടങ്ങളില് മത്സ്യബന്ധനത്തിന് പോകരുത്
![](https://indiavisionmedia.com/wp-content/uploads/2019/12/image.jpg)
തിരുവന്തപുരം ;അറബിക്കടലിന്റെ തെക്ക് പടിഞ്ഞാറന് ഭാഗത്ത് ന്യൂനമര്ദം രൂപപ്പെട്ടതായി കാലാവസ്ഥാ നിരീക്ഷണ കേന്ദ്രം. അടുത്ത 48 മണിക്കൂറില് ഇത് ശക്തിപ്രാപിക്കുമെന്നും അതിനാല് മത്സ്യത്തൊഴിലാളികള് ജാഗ്രത പാലിക്കണമെന്നും നിര്ദേശത്തില് പറയുന്നു. അടുത്ത 24 മണിക്കൂറില് ലക്ഷദ്വീപിനും തെക്ക് കിഴക്ക് അറബിക്കടലിനും മുകളിലായി മറ്റൊരു ന്യൂനമര്ദം കൂടി രൂപപ്പെടാനിടയുണ്ട്.
ഇന്ന് മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റും മോശം കാലാവസ്ഥയും തുടരാനിടയുള്ളതിനാല് തെക്ക് അറബിക്കടല്, മാലിദ്വീപ്,ലക്ഷദ്വീപ് മേഖല,കേരള തീരം എന്നിവിടങ്ങളില് മത്സ്യബന്ധനത്തിന് പോകരുത്. നാളെ മണിക്കൂറില് 45 മുതല് 55 വരെ കിലോമീറ്റര് വേഗതയില് കാറ്റും മോശം കാലാവസ്ഥയും ഉണ്ടാകാന് സാധ്യതയുണ്ട്. അതിനാല് ലക്ഷദ്വീപ് മേഖല, തെക്ക് കിഴക്കന് അറബിക്കടല്, മധ്യ കിഴക്കന് അറബിക്കടല്, തെക്ക് പടിഞ്ഞാറ് അറബിക്കടല്,കേരള തീരം, കര്ണാടക തീരം എന്നിവിടങ്ങളില് മത്സ്യ ബന്ധനത്തിന് പോകരുത്.
മൂന്നാം തിയതി തെക്ക് കിഴക്കന് അറബിക്കടല്, മധ്യ കിഴക്കന് അറബിക്കടല്, കര്ണാടക തീരം എന്നിവിടങ്ങളില് മത്സ്യബന്ധനത്തിനായി പോകാന് പാടുള്ളതല്ല. നാലാം തിയതി തെക്ക് കിഴക്കന് അറബിക്കടല്, മധ്യ കിഴക്കന് അറബിക്കടല് ,തെക്ക് പടിഞ്ഞാറ് എന്നിവിടങ്ങളില് മത്സ്യബന്ധനത്തിനായി പോകാന് പാടുള്ളതല്ല. അഞ്ചാം തിയതി തെക്ക് കിഴക്കന് അറബിക്കടല്, മധ്യ കിഴക്കന് അറബിക്കടല്, തെക്ക് പടിഞ്ഞാറ് എന്നിവിടങ്ങളില് മത്സ്യബന്ധനത്തിന് പോകരുതെന്നും കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പില് പറയുന്നു.