ഇന്‍ഡോറിൽ 5 നില ഹോട്ടലില്‍ വന്‍ തീപിടുത്തം
ഇന്‍ഡോറിലെ വിജയ് നഗറിലുള്ള ഗോള്‍ഡന്‍ ഗേറ്റ് ഹോട്ടലിന്റെ 5 നിലകളും പൂര്‍ണ്ണമായും കത്തിനശിച്ച അവസ്ഥയിലാണ്
ഭോപ്പാല്‍: മധ്യപ്രദേശില്‍ 5 നില ഹോട്ടലില്‍ വന്‍ തീപിടുത്തം. ഇന്‍ഡോറിലുള്ള ഗോള്‍ഡന്‍ ഗേറ്റ് ഹോട്ടലിലാണ് പുലര്‍ച്ചെയോടെ തീപിടുത്തമുണ്ടായിരിക്കുന്നത്. നിലവില്‍ രക്ഷാപ്രവര്‍ത്തനം പുരോഗമിക്കുകയാണ്. ഇന്‍ഡോറിലെ വിജയ് നഗറിലുള്ള ഗോള്‍ഡന്‍ ഗേറ്റ് ഹോട്ടലിന്റെ 5 നിലകളും പൂര്‍ണ്ണമായും കത്തിനശിച്ച അവസ്ഥയിലാണ്. കെട്ടിടത്തിനുള്ളില്‍ കുടുങ്ങിയ ചിലരെ രക്ഷിച്ചെങ്കിലും ഇനിയും നിരവധിയാളുകള്‍ ഹോട്ടലിനുളളില്‍ അകപ്പെട്ടിട്ടുള്ളതായി പോലീസ് പറഞ്ഞു.
അപകടത്തില്‍ ലക്ഷക്കണക്കിന് രൂപയുടെ നാശനഷ്ടമാണുണ്ടായിരിക്കുന്നത്. എന്നാല്‍ ഇതുവരെ ആളപായമൊന്നും റിപ്പോര്‍ട്ട് ചെയ്യപ്പെട്ടിട്ടില്ല. തീപിടുത്തത്തിന്റെ കാരണം വ്യക്തമായിട്ടില്ലെന്ന് പോലീസ് അറിയിച്ചു.