ബൈക്കിൽ ലോറിയിടിച്ച് ദമ്പതികൾ മരിച്ചു.
അപകടത്തെത്തുടർന്ന് നിർത്താതെ പോയ മീൻ ലോറി നാട്ടുകാർ പിന്തുടർന്ന് മൂരാട് പാലത്തിനു സമീപം വെച്ച് പിടികൂടിപോലീസിൽ ഏൽപ്പിച്ചു.
കോഴിക്കോട് : ബൈക്കിൽ ലോറിയിടിച്ച് ദമ്പതികൾ മരിച്ചു. നൗഫൽ, ഭാര്യ മുബഷിറ എന്നിവരാണ് മരിച്ചത്. രാത്രി 9 മണിക്കായിരുന്നു അപകടം. കോഴിക്കോട്-വടകര ദേശീയപാതയിൽ കൃഷ്ണകൃപ ഓഡിറ്റോറിയത്തിനു സമീപമാണ് അപകടം ഉണ്ടായത് . അപകടത്തെത്തുടർന്ന് നിർത്താതെ പോയ മീൻ ലോറി നാട്ടുകാർ പിന്തുടർന്ന് മൂരാട് പാലത്തിനു സമീപം വെച്ച് പിടികൂടിപോലീസിൽ ഏൽപ്പിച്ചു.നൗഫൽ ഓമശ്ശേരി സ്വദേശിയും മുബഷിറ വേളം സ്വദേശിനിയുമാണ്. ഇരുവരെയും ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹങ്ങള്‍ വടകര ജില്ലാ ആശുപത്രി മോര്‍ച്ചറിയിലേക്ക് മാറ്റി.