കുട്ടികളെ കാണ്മാനില്ല ആംബര്‍ അലര്‍ട്ട് പുറപ്പെടുവിച്ചു, ജീവന്‍ അപകടത്തില്‍ എന്ന് സൂചന ;

സീലി (ടെക്‌സസ്): രണ്ടു മുതല്‍ ഏഴു വയസുവരെ പ്രായമുള്ള മൂന്നു കുട്ടികളെ തട്ടിക്കൊണ്ടുപോയതിനെ തുടര്‍ന്ന് ടെക്‌സസ് (സീലി) പോലീസ് ആംബര്‍ അലര്‍ട്ട് പ്രഖ്യാപിച്ചു.

ഫെബ്രുവരി 23-നു ശനിയാഴ്ച മാഡിസണ്‍ (7), ഡൈലന്‍ (5), മേരിയ (2) എന്നീ കുട്ടികളെ അവസാനമായി ടെക്‌സസിലെ സീലിയയിലാണ് കണ്ടത്. ഇവരെ തട്ടിക്കൊണ്ടുപോയവരെന്നു സംശയിക്കുന്ന രണ്ടു പേരുടെ ചിത്രം പോലീസ് പ്രസിദ്ധീകരിച്ചിട്ടുണ്ട്.

ക്രിസ്റ്റല്‍ (29), ലെസ്റ്റര്‍ ജോയ് (38) എന്നിവരെയാണ് പോലീസ് തെരയുന്നത്. കണക്ടിക്കട്ടിലെ കുട്ടികളാണ് ഇവരെന്ന് പോലീസ് പറഞ്ഞു. വോള്‍വ മറൂണ്‍ എസ് 60 കണല്‍റ്റല്‍ട്ട് പ്ലേറ്റ് നമ്പര്‍ 417 -വൈ.ടി.വൈ എന്ന കാറിലാണ് ഇവരെ തട്ടിക്കൊണ്ടുപോയത്. വാഹനത്തെക്കുറിച്ചോ, കുട്ടികളെക്കുറിച്ചോ, തട്ടിക്കൊണ്ടുപോയവരെക്കുറിച്ചോ വിവരം ലഭിക്കുന്നവര്‍ വാട്ടര്‍ബറി കണല്‍ട്ടിക്കട്ട് പോലീസ് ഡിപ്പാര്‍ട്ട്‌മെന്റിനെ 203 574 6911 എന്ന നമ്പറില്‍ ബന്ധപ്പെടേണ്ടതാണെന്ന് പോലീസ് അഭ്യര്‍ത്ഥിച്ചു.