യു പിയിൽ ഹോളി ആഘോഷിക്കുന്നതിനെ എതിര്‍ത്ത 60കാരിയെ അടിച്ചുകൊന്നു
കുടുംബത്തിലെ അഞ്ച് പേര്‍ക്ക് ആക്രമണത്തില്‍ പരിക്കേറ്റു
ഉത്തര്‍ പ്രദേശില്‍ വീടിന് മുന്നില്‍ ഹോളി ആഘോഷിക്കുന്നതിനെ എതിര്‍ത്ത 60കാരിയെ ഒരു സംഘം ആളുകള്‍ അടിച്ചുകൊന്നു. കുടുംബത്തിലെ അഞ്ച് പേര്‍ക്ക് ആക്രമണത്തില്‍ പരിക്കേറ്റു. ഉത്തര്‍ പ്രദേശിലെ മേവാതി തോലയിലായിരുന്നു സംഭവം.രാവിലെ 10 മണിയോടെയാണ് അക്രമം നടന്നത്. വീടിന് മുന്നിലെ ഹോളി ആഘോഷത്തെ എതിര്‍ത്തതില്‍ പ്രകോപിതരായ അക്രമി സംഘം വയോധികയുടെ വീട്ടില്‍ അതിക്രമിച്ച് കയറുകയായിരുന്നു. വൃദ്ധയെ കല്ലും വടിയും ഉപയോഗിച്ച് മര്‍ദിച്ചെന്ന് എഎസ്പി പ്രശാന്ത് കുമാര്‍ പ്രസാദ് പറഞ്ഞു.