പെൺഗുണ്ടായിസം സ്വകാര്യ ആശുപത്രിയിലെ സെക്യൂരിറ്റിയെ മർദ്ദിച്ച യുവതി അറസ്റ്റിൽ
സംഭവത്തിന്റെ സി.സി.ടിവി ദൃശ്യം സാമൂഹികമാധ്യമങ്ങളില്‍ പ്രചരിച്ചതോടെയാണ് പോലീസ് യുവതിക്കെതിരെ കേസെടുത്തത്.ആര്യയുടെ അറസ്റ്റ് രേഖപ്പെടുത്തി
കൊച്ചി: സ്വകാര്യ ആശുപത്രിയിലെ സെക്യൂരിറ്റി ജീവനക്കാരനെ മർദിക്കുകയും അസഭ്യം പറയുകയും ഗണ്ടായിസ്സം കാട്ടിയ യുവതി അറസ്റ്റിലായി. കളമശേരി കുസാറ്റ് അനന്യ കോളജ് ഹോസ്റ്റലിലെ മേട്രന്‍ കോഴിക്കോട് കൊയിലാണ്ടി നടുവന്നൂര്‍ കാവില്‍ദേശത്ത് താറോല്‍മിത്തല്‍ ആര്യ ബാലന്‍ (26) ആണ് അറസ്റ്റിലായത്. പാര്‍ക്കിംഗുമായി ബന്ധപ്പെട്ട തര്‍ക്കത്തിന്റെ പേരിലായിരുന്നു മർദനം. രക്ഷപ്പെടുത്താൻ നീക്കം നടന്നുവെങ്കിലും മർദനത്തിന്റെ വീഡിയോ സമൂഹമാധ്യമങ്ങളിൽ വൈറലാവുകയും കീഴടങ്ങാൻ പൊലീസ് സമ്മർദം ശക്തമാക്കുകയും ചെയ്തതോടെ ആര്യ ആലുവ സ്റ്റേഷനിൽ കീഴടങ്ങുകയായിരുന്നു.
ഒക്ടോബര്‍ ഒന്നിനായിരുന്നു കേസിനാസ്പദമായ സംഭവം. ആലപ്പുഴ മാവേലിക്കര സ്വദേശി റിങ്കു (26) വിനെയാണ് ആര്യ മര്‍ദിച്ചത്. രോഗിക്കു കൂട്ടായി ആശുപത്രിയില്‍ സ്കൂട്ടറില്‍ എത്തിയ യുവതി വലിയ വാഹനങ്ങള്‍ക്ക് പാര്‍ക്ക് ചെയ്യുന്ന സ്ഥലത്താണ് സ്കൂട്ടര് ആദ്യം പാര്‍ക്ക് ചെയ്തത്. സെക്യൂരിറ്റി ജീവനക്കാരന്‍ സ്കൂട്ടര് മാറ്റിവയ്പിച്ചു. മടങ്ങിയെത്തിയ യുവതി മറ്റു വാഹനങ്ങളുടെ ഇടയിലായ സ്കൂട്ടര് എടുത്തുതരണമെന്ന് ആവശ്യപ്പെട്ടു. സ്കൂട്ടര് പുറത്തെടുത്തപ്പോള്‍ സ്റ്റാന്‍ഡ് ഉരഞ്ഞെന്നു പറഞ്ഞു പ്രകോപിതയായി റിങ്കുവിന്‍റെ മുഖത്തടിക്കുകയും അസഭ്യം പറയുകയുമായിരുന്നു.
മാധ്യമങ്ങളില്‍ വാര്‍ത്തയാകുകയും മര്‍ദന രംഗം സോഷ്യല്‍ മീഡിയയില്‍ വൈറലാകുകയും ചെയ്തെങ്കിലും പൊലീസ് നടപടിയെടുക്കാന്‍ ആദ്യം തയാറായില്ല. സഹകരണ മേഖലയിലെ സംഘടനയുടെ നേതാവാണ് ആര്യയുടെ പിതാവ്. പ്രതിഷേധം കനത്തതോടെ സ്റ്റേഷനില്‍ ഹാജരാകാന്‍ യുവതിയോടു പറഞ്ഞെങ്കിലും എത്തിയില്ല. ഹോസ്റ്റലിലെത്തി പൊലീസ് അറസ്റ്റ് ചെയ്യുമെന്ന് അറിയിച്ചപ്പോഴാണ് അഭിഭാഷകനൊപ്പം ഇവര്‍ ഹാജരായത്.
അകാരണമായി മര്‍ദിച്ചതിനും അസഭ്യം പറഞ്ഞതിനും സെഷന്‍ 323, 294 ബി, 506 (1) എന്നീ വകുപ്പുകള്‍ പ്രകാരമാണ് കേസെടുത്തിട്ടുള്ളത്. കുസാറ്റിലെ പട്ടികജാതി വിഭാഗക്കാരായ വിദ്യാര്‍ഥികള്‍ക്കായുള്ള ഹോസ്റ്റലിലെ മേട്രനായ ആര്യ ബാലനെതിരേ വകുപ്പുതല നടപടി വരും. കേസ് സംബന്ധിച്ച റിപ്പോര്‍ട്ട് കുസാറ്റ് രജിസ്ട്രാര്‍ക്ക് കൈമാറുമെന്നു ചീഫ് വാര്‍ഡന്‍ പറഞ്ഞു. മൂന്ന് വര്‍ഷത്തെ കരാര്‍ ജീവനക്കാരിയാണ് ആര്യ. വരുന്ന മാര്‍ച്ചില്‍ കരാര്‍ കാലാവധി അവസാനിക്കുംഒക്ടോബര്‍ 1 നാണ് കേസിനാസ്പദമായ സംഭവം നടന്നത്. ആലപ്പുഴ മാവേലിക്കര സ്വദേശി റിങ്കുവിനെയാണ് ആര്യ മര്‍ദ്ദിച്ചത്. ആലുവയില്‍ സ്വകാര്യ ആശുപത്രിയിലെ സെക്യൂരിറ്റി ജീവനക്കാരനാണ് റിങ്കു. ആശുപത്രിയുടെ മുന്‍ വശത്ത് പാര്‍ക്ക് ചെയ്ത ഇരുചക്ര വാഹനം മാറ്റിവെച്ചതാണ് മര്‍ദ്ദനത്തിന് കാരണം.