ചൈനയുമായുള്ള കരാറിൽ അതൃപ്തി:ട്രംപ്
വാഷിംഗ്ടൺ: ചൈനയുമായുള്ള വ്യാപാര കരാറിലെ അതൃപ്തി അറിയിച് അമേരിക്ക. പ്രസിഡന്‍റ് ഡോണൾഡ് ട്രംപാണ് ഇത് സംബന്ധിച്ച കാര്യങ്ങൾ വ്യക്തമാക്കിയത്. ദക്ഷിണകൊറിയൻ പ്രസിഡന്‍റ് മൂൺ.ജെ.ഇന്നുമായുള്ള കൂടിക്കാഴ്ചയ്ക്കു ശേഷമാണ് ട്രംപ് ഇക്കാര്യം തുറന്ന് പറഞ്ഞത്. “ചൈനയുമായുള്ള വ്യാപാര കരാറിൽ സംതൃപ്തനല്ല, പക്ഷേ ഇനിയുമേറെ മുന്നോട്ട് പോകാനുണ്ട്”- ഇതായിരുന്നു ട്രംപിന്‍റെ വാക്കുകൾ.
ചൈനീസ് ടെലികോം ഭീമൻ ഇസഡ്.ടി.ഇയുമായുള്ള കരാറാണ് ട്രംപിന്‍റെ അതൃപ്തി ഏറ്റുവാങ്ങിയത്. കമ്പനി പിഴയടക്കണമെന്നും മാനേജ്മെന്‍റ് തലത്തിൽ മാറ്റങ്ങൾ വരുത്തണമെന്നുമാണ് ട്രംപിന്‍റെ ആവശ്യം. ഇതിന്‍റെ കാരണമെന്താണെന്ന് വ്യക്തമായിട്ടില്ല. വിഷയം സംബന്ധിച്ച് കൂടുതൽ വിവരങ്ങളും പുറത്തുവന്നിട്ടില്ല.