ട്രംപിന് രാഷ്ട്രപതി ഭവനില്‍ ഔദ്യോഗിക സ്വീകരണം; രാജ്ഘട്ടില്‍ പുഷ്പചക്രം സമർപ്പിച്ചു
ഗാര്‍ഡ് ഓഫ് ഓണര്‍ പരിശോധിച്ച ട്രംപ് തുടര്‍ന്ന്്് രാജ്ഘട്ടിലെത്തി മഹാത്മഗാന്ധിയുടെ സമാധിയില്‍ പുഷ്പചക്രം സമര്‍പിച്ചു
ഇന്ത്യാ സന്ദർശനത്തിന്റെ ഭാഗമായി രാഷ്ട്രപതിഭവനിെത്തിയ യുഎസ് പ്രസിഡന്റ് ഡോണൾഡ് ട്രംപിനും ഭാര്യ മെലനിയയ്ക്കും ആചാരപരമായ സ്വീകരണം നല്‍കി. പത്തുമണിക്ക് രാഷ്ട്രപതിഭവന്‍ അങ്കണത്തില്‍ നടന്ന ചടങ്ങിലേക്ക് ട്രംപിനെയും ഭാര്യ മെലനിയെയും രാഷ്ട്രപതി റാം നാഥ് കോവിന്ദും പ്രധാനമന്ത്രി നരേന്ദ്ര മോദിയും ചേര്‍ന്ന് സ്വീകരിച്ചു.
ഗാര്‍ഡ് ഓഫ് ഓണര്‍ പരിശോധിച്ച ട്രംപ് തുടര്‍ന്ന്്് രാജ്ഘട്ടിലെത്തി മഹാത്മഗാന്ധിയുടെ സമാധിയില്‍ പുഷ്പചക്രം സമര്‍പിച്ചു. ഹൈദരാബാദ് ഹൗസില്‍ അല്‍പസമത്തിനകം ഉഭയകക്ഷി ചര്‍ച്ച ആരംഭിക്കും. അഞ്ചു ധാരണാപത്രങ്ങള്‍ ഇരുരാജ്യങ്ങളും ഒപ്പുവയ്ക്കും. പ്രതിരോധ ഇടപാടാകും ഇതില്‍ നിര്‍ണായകം. പൗരത്വ നിയമം, ദേശീയ പൗരത്വ റജിസ്റ്റര്‍, മതസ്വാതന്ത്ര്യം എന്നീ വിഷയങ്ങള്‍ അമേരിക്കന്‍ പ്രസിഡന്റ് ഉന്നയിക്കും.
അഹമ്മദാബാദിൽ നിന്ന് ഇന്നലെയാണ് ട്രംപ് ഡൽഹിയിലെത്തിയത്. രണ്ടു ദിവസത്തെ സന്ദർശനത്തിനായി യു എസ് പ്രസിഡന്റ് ഡൊണാൾഡ് ട്രംപ് ഇന്നലെയാണ് ഇന്ത്യയിലെത്തിയത്. ട്രംപിനൊപ്പം ഭാര്യ മെലാനിയ ട്രംപും മകൾ ഇവാൻക ട്രംപും നമസ്തേ ട്രംപ് പരിപാടിയുടെ ഭാഗമായി അഹമ്മദാബാദിൽ എത്തിയത്.