കൊരട്ടിയില്‍ പുതുവര്‍ഷാഘോഷത്തിനിടെ വാഹനം ഇടിച്ചു കയറിയുണ്ടായ അപകടത്തില്‍ വിദ്യാര്‍ഥി മരിച്ചു
രാത്രി 12 ഓടെ വാളൂര്‍ ജംഗ്ഷന് സമീപമായിരുന്നു അപകടം. ചാലക്കുടി ഭാഗത്തുനിന്നും വന്നിരുന്ന ബൊലേറോ ജീപ്പ് പുതുവര്‍ഷാഘോഷത്തിനായി പാപ്പാത്തി വേഷത്തില്‍ പോകുകയായിരുന്ന കുട്ടികളെ ഇടിച്ചു വീഴ്ത്തുകയായിരുന്നു
കൊരട്ടി: കൊരട്ടിയില്‍ പുതുവര്‍ഷാഘോഷത്തിനിടെ വാഹനം ഇടിച്ചു കയറിയുണ്ടായ അപകടത്തില്‍ വിദ്യാര്‍ഥി മരിച്ചു. മറ്റൊരു വിദ്യാര്‍ഥിക്ക് ഗുരുതരമായി പരിക്കേറ്റു. വെള്ളാട്ടുപറമ്പില്‍ സന്തോഷിന്റെ മകന്‍ ആല്‍വിനാണ് മരിച്ചത്.എടത്തിപ്പറമ്പില്‍ നെല്‍സണിന്റെ മകന്‍ സിബിനെ ഗുരുതര പരിക്കുകളോടെ സ്വകാര്യ ആശുപത്രിയില്‍ പ്രവേശിപ്പിച്ചു.രാത്രി 12 ഓടെ വാളൂര്‍ ജംഗ്ഷന് സമീപമായിരുന്നു അപകടം. ചാലക്കുടി ഭാഗത്തുനിന്നും വന്നിരുന്ന ബൊലേറോ ജീപ്പ് പുതുവര്‍ഷാഘോഷത്തിനായി പാപ്പാത്തി വേഷത്തില്‍ പോകുകയായിരുന്ന കുട്ടികളെ ഇടിച്ചു വീഴ്ത്തുകയായിരുന്നു.നിയന്ത്രണം വിട്ട ജീപ്പ് സമീപത്തെ വൈദ്യുതി പോസ്റ്റിലിടിച്ച് നിന്നു.
അപകടം കണ്ട് ഓടിയെത്തിയവര്‍ കുട്ടികളുമായി ആശുപത്രിയിലേക്ക് പോയെങ്കിലും ആല്‍വിനെ രക്ഷിക്കാനായില്ല. രോഷാകുലരായ നാട്ടുകാര്‍ ജീപ്പ് തകര്‍ത്തു. കൊരട്ടി പൊലീസ് അന്വേഷണം ആരംഭിച്ചു.