“പോപ്പ് ലിയോ പതിനാലാമൻ” പുതിയ മാർപാപ്പ കത്തോലിക്ക സഭയുടെ 267-ാമത് പോപ്പായി കർദ്ദിനാൾ റോബർട്ട് ഫ്രാൻസിസ് പ്രെവോസ്റ്റിനെ തിരഞ്ഞെടുത്തു
കത്തോലിക്ക സഭയുടെ 267-ാമത് പോപ്പായി കർദ്ദിനാൾ റോബർട്ട് ഫ്രാൻസിസ് പ്രെവോസ്റ്റിനെ തിരഞ്ഞെടുത്തു, പോപ്പ് ലിയോ പതിനാലാമൻ എന്ന പേര് സ്വീകരിച്ചു
വത്തിക്കാൻ സിറ്റി| ലോക കാത്തിരുന്ന നിമിഴം എത്തിച്ചേർന്നിരിക്കുന്നു പേപ്പൽ കോൺക്ലേവിലെ രണ്ടാം റൗണ്ടിൽ പുതിയ മാർപാപ്പയെ തെരഞ്ഞെടുത്തു . വത്തിക്കാൻ സിസ്റ്റീൻ ചാപ്പലിൽ നിന്നും വെളുത്ത പുകയുയർന്നു. വത്തിക്കാനിലെ സിസ്റ്റൈൻ ചാപ്പലിൽ ഒത്തുകൂടിയ കർദ്ദിനാൾമാർ,കത്തോലിക്ക സഭയുടെ 267-ാമത് പോപ്പായി കർദ്ദിനാൾ റോബർട്ട് ഫ്രാൻസിസ് പ്രെവോസ്റ്റിനെ തിരഞ്ഞെടുത്തു, പോപ്പ് ലിയോ പതിനാലാമൻ എന്ന പേര് സ്വീകരിച്ചു. അമേരിക്കയിൽ നിന്നും ഇതാദ്യമായാണ് ഒരാൾ മാര്പാപ്പയായി തെരഞ്ഞെടുക്കപ്പെടുന്നത് സെന്റ് പീറ്റേഴ്സ് ബസിലിക്കയുടെ മധ്യ ജാലകത്തിൽ അദ്ദേഹം എത്തി ലക്ഷകണക്കിന് വിശ്വാസികളെ അഭിവാദ്യം ചെയ്തു
കത്തോലിക്കാ സഭയുടെ 267 -ാം പോപ്പിനെ തെരഞ്ഞെടുക്കാനായി 133 കർദിനാൾമാർ ആണ് സിസ്റ്റീൻ ചാപ്പലിൽ സമ്മേളിച്ചത്.
അമേരിക്കയിലെ ചിക്കാഗോ സ്വദേശിയാണ് റോബര്ട്ട് പെര്വോസ്റ്റ്. കത്തോലിക്ക സഭാ ചരിത്രത്തില് ആദ്യമായാണ് അമേരിക്കയില് നിന്നുള്ള ഒരാള് മാര്പാപ്പയാകുന്നത്. 30 വര്ഷത്തോളം ഒരു മിഷനറിയായി പ്രവര്ത്തിച്ച റോബര്ട്ട് പെര്വോസ്റ്റ് പെറുവില് പിന്നീട് ആര്ച്ച് ബിഷപ്പായും പ്രവര്ത്തിച്ചു.ഫ്രാന്സിസ് മാര്പാപ്പയുടെ പാത പിന്തുടരുന്ന ഒരു പരിഷ്കര്ത്താവ് എന്ന നിലയിലാണ് റോബര്ട്ട് പെര്വോസ്റ്റ് കണക്കാക്കപ്പെടുന്നത്. 2014-ല് പെറുവിലെ ചിക്ലായോ രൂപതയെ നയിക്കാനായി കര്ദ്ദിനാള് പെര്വോസ്റ്റിനെ ഫ്രാന്സിസ് മാര്പ്പാപ്പ നിയോഗിക്കുകയായിരുന്നു.
2015-ല് റോബര്ട്ട് പ്രെവോസ്റ്റ് പെറുവിയന് പൗരത്വം നേടിയിരുന്നു. 2023-ല് ഫ്രാന്സിസ് മാര്പാപ്പ റോബര്ട്ട് പെര്വോസ്റ്റിനെ വത്തിക്കാനിലേയ്ക്ക് തിരികെ കൊണ്ടുവന്നു. ബിഷപ്പുമാരുടെ ഡിക്കാസ്റ്ററിയുടെ തലവനായാണ് അദ്ദേഹം നിയമിക്കപ്പെട്ടത്. ലോകമെമ്പാടുമുള്ള ബിഷപ്പുമാരുടെ നാമനിർദ്ദേശങ്ങൾ പരിശോധിക്കുന്ന സമിതിയുടെ തലവനെന്നതായിരുന്നു 2023ൽ ഫ്രാൻസിസ് മാർപാപ്പ റോബർട്ട് പ്രെവോസ്റ്റിന് നൽകിയ ചുമതല. കത്തോലിക്കാ സഭയിലെ ഏറ്റവും പ്രധാനപ്പെട്ട ചുമതലകളിൽ ഒന്നായാണ് ഇത് കണക്കാക്കപ്പെടുന്നത്. ഏതെല്ലാം ബിഷപ്പ് നാമനിർദ്ദേശങ്ങൾ പോപ്പിന് കൈമാറണമെന്ന് തീരുമാനിക്കുന്ന വോട്ടിംഗ് ബ്ലോക്കിലേക്ക് മൂന്ന് സ്ത്രീകളെ ചേർത്ത പരിഷ്കാരം നടപ്പിലാക്കാൻ റോബർട്ട് പ്രെവോസ്റ്റ് ഫ്രാൻസിസ് മാർപാപ്പയ്ക്കൊപ്പം നിന്നിരുന്നു. ലാറ്റിന് അമേരിക്കയുടെ പൊന്തിഫിക്കല് കമ്മീഷന്റെ പ്രസിഡന്റ് കൂടിയായിരുന്നു പെര്വോസ്റ്റ്.
മലയാളി കർദിനാൾമാരായ ബസേലിയോസ് ക്ലിമ്മീസ് കാതോലിക്കാ ബാവ 28 -ാമതും, ജോർജ് കൂവക്കാട് 133 -ാമതായും കോണ്ക്ലേവിലുണ്ട്. ഇവരടക്കം 4 കർദിനാൾമാർ ഇന്ത്യയിൽ നിന്ന് കോൺക്ലേവിൽ പങ്കെടുക്കുന്നുണ്ട്.80 വയസ്സിൽ താഴെ പ്രായമുള്ള കർദിനാൾമാരാണ് കോൺക്ലേവിൽ പങ്കെടുക്കുന്നത്. മൂന്നിൽ രണ്ട് ഭൂരിപക്ഷം ലഭിക്കുന്ന ആൾ ഫ്രാൻസിസ് പാപ്പയുടെ പിൻഗാമിയായി വിശുദ്ധ പത്രോസിന്റെ സിംഹാനത്തിലേക്ക് ഉയർത്തി .