നിര്‍ഭയ്ക്കു നീതി ലഭിച്ചെന്ന് പ്രധാനമന്ത്രി
സ്ത്രീകളുടെ സുരക്ഷയും അന്തസും ഉറപ്പാക്കേണ്ടത് പ്രധാനമാണെന്നും അദ്ദേഹം പറഞ്ഞു
ന്യൂഡല്‍ഹി: നിര്‍ഭയ്ക്കു നീതി ലഭിച്ചെന്ന് പ്രധാനമന്ത്രി നരേന്ദ്ര മോദി. സ്ത്രീകളുടെ സുരക്ഷയും അന്തസും ഉറപ്പാക്കേണ്ടത് പ്രധാനമാണെന്നും അദ്ദേഹം പറഞ്ഞു. വെള്ളിയാഴ്ച പുലര്‍ച്ചെ നിര്‍ഭയ പ്രതികളുടെ വധശിക്ഷ നടപ്പായതിനു ശേഷം പ്രതികരിക്കുകയായിരുന്നു അദ്ദേഹം. എല്ലാ മേഖലകളിലും നമ്മുടെ സ്ത്രീകള്‍ മികവ് തെളിയിച്ചിട്ടുണ്ട്.സ്ത്രീ ശാക്തീകരണത്തില്‍ ശ്രദ്ധിക്കുന്ന, സമത്വത്തിനും അവസരത്തിനും തുല്യ പ്രാധാന്യം നല്‍കുന്ന രാഷ്ട്രം നമുക്ക് ഒന്നിച്ച്‌ കെട്ടിപ്പടുക്കണമെന്നും പ്രധാനമന്ത്രി ആഹ്വാനം ചെയ്തു.