മകരവിളക്ക് മഹോത്സവം ജനുവരി 14ന് നട ഇന്ന് തുറക്കും

പത്തനംതിട്ട :മകരവിളക്ക് ഉത്സവത്തിനായി ശബരിമല നട ഇന്ന് തുറക്കും. വൈകിട്ട് അഞ്ചിന് മേൽശാന്തി വാസുദേവൻ നമ്പൂതിരിയാണ് നട തുറക്കുക. വൈകിട്ട് 6.20ന് ദീപാരാധനയ്ക്കു ശേഷം രാത്രി 11ന് ഹരിവരാസനത്തോടെ നടയടക്കും. നാളെ പുലര്‍ച്ചെ മൂന്നിന് നട തുറക്കും. 3.15 മുതല്‍ ഉച്ചയ്ക്ക് 12 വരെ നെയ്യഭിഷേകം. മകരവിളക്ക് ഉത്സവത്തോടനുബന്ധിച്ചുള്ള ഒരുക്കങ്ങളെല്ലാം പൂർത്തിയായതായി ദേവസ്വം ബോർഡ് അറിയിച്ചു. ജനുവരി 14നാണ് മകരവിളക്ക് മഹോത്സവം.