യുവതികൾ സന്നിധാനത്ത് കയറി; വാർത്ത് സ്ഥിരീകരിച്ച് ഇന്റലിജൻസ്

സന്നിധാനം :യുവതികൾ സന്നിധാനത്ത് കയറിയെന്നവാർത്ത സ്ഥിരീകരിച്ച് ഇന്റലിജൻസ്. മഫ്തിയിലെത്തിയ പോലീസിന്റെ സഹായത്തോടെയാണ് യുവതികൾ സന്നിധാനത്ത് എത്തിയത്. ഈ ദൃശ്യങ്ങളാണ് പുറത്തുവിട്ടത്. നേരത്തെ പോലീസിന്റെ ഭാഗത്ത് നിന്നും ഒദ്യോഗിക സ്ഥിരീകരണം ലഭിച്ചിരുന്നില്ലെങ്കിലും ഇന്റലിജൻസ് വാർത്ത സ്ഥിരീകരിച്ചിരിക്കുകയാണ്.

അതേസമയം, ബിന്ദുവും കനകദുർഗ്ഗയും ശബരിമല ദർശനം നടത്തിയെന്ന് ബിന്ദുവിന്റെ ഭർത്താവ് ഹരിഹരൻ . പോലീസ് സംരക്ഷണയിലാണ് ഇരുവരും ദർശനം നടത്തിയതെന്നാണ് ഹരിഹരൻ  പറഞ്ഞത്. ഇന്ന് പുലർച്ചെ മൂന്ന് 3.45ഓടെയാണ് ഇവർ ദർശനം നടത്തിയത്. .ഈ മാസം 24 ന് പെരിന്തൽമണ്ണ സ്വദേശിയായ കനക ദുർഗയും കൊയിലാണ്ടി സ്വദേശിയായ ബിന്ദുവും ശബരിമല ദർശനത്തിനായി എത്തിയിരുന്നു. എന്നാൽ മരക്കൂട്ടം പിന്നിട്ടതോടെ ഇവരെ ഭക്തരും പ്രതിഷേധക്കാരും ചേർന്ന് തടഞ്ഞു. തുടർന്ന് ഇവരെ പോലീസ് തിരിച്ച് അയക്കുകയായിരുന്നു. തിരിച്ച് വരുമെന്ന് ഉറപ്പ് ലഭിച്ചതിനാലാണ് തിരിച്ച് പോകുന്നതെന്ന് അന്ന് കനക ദുർഗ്ഗ പറഞ്ഞിരുന്നു