സംസ്ഥാനത്തെ എല്ലാ സര്‍വകലാശാലകളിലേയും പരീക്ഷകള്‍ മാറ്റമില്ലാതെ നടക്കും
ആരോഗ്യവകുപ്പ് പുറപ്പെടുവിച്ച കര്‍ശന മാര്‍ഗനിര്‍ദേശങ്ങള്‍ പാലിച്ചു കൊണ്ടു പരീക്ഷകള്‍ പൂര്‍ത്തിയാക്കുമെന്നാണ് കേരളത്തിലെ സര്‍വകലാശാലകളുടെ നിലപാട്
തിരുവനന്തപുരം: കൊവിഡ് 19 പടരുന്ന പശ്ചാത്തലത്തില്‍ എല്ലാ പരീക്ഷകളും മാറ്റി വയ്ക്കാനുള്ള യുജിസി നിര്‍ദേശം തള്ളി കേരളം. സംസ്ഥാനത്തെ എല്ലാ സര്‍വകലാശാലകളിലേയും പരീക്ഷകള്‍ മുന്‍നിശ്ചയിച്ച പ്രകാരം നടക്കും. ആരോഗ്യവകുപ്പ് പുറപ്പെടുവിച്ച കര്‍ശന മാര്‍ഗനിര്‍ദേശങ്ങള്‍ പാലിച്ചു കൊണ്ടു പരീക്ഷകള്‍ പൂര്‍ത്തിയാക്കുമെന്നാണ് കേരളത്തിലെ സര്‍വകലാശാലകളുടെ നിലപാട്. ഇക്കാര്യം ഉടനെ യുജിസിയെ അറിയിക്കും.