ഹമാസിന്റെ സെൽ ആക്രമണത്തിൽ ഇസ്രേലിൽ കൊല്ലപ്പെട്ട സൗമയയുടെ മൃദേഹം ശനിയാഴ്ച നാട്ടിലെത്തിക്കും

ന്യൂഡൽഹി : ഹമാസിന്റെ ആക്രമണത്തിൽ ഇസ്രായേലിൽ കൊല്ലപ്പെട്ട ഹോം ടേക്കർ സൗമ്യയുടെ മൃതദേഹം ശനിയാഴ്ച കേരളത്തിലെത്തിക്കും . കേന്ദ്രമന്ത്രി വി. മുരളീധരനാണ് ഇക്കാര്യം അറിയിച്ചത്. ഇസ്രായേലിൽ നിന്നും ഡൽഹി വഴിയാണ് മൃതദേഹം കേരളത്തിൽ എത്തുക.വെള്ളിയാഴ്ച രാത്രി ബെൻ ഗുറിയോൺ വിമാനത്താവളത്തിൽ നിന്നും പ്രത്യേക വിമാനത്തിലാണ് മൃതദേഹം എത്തിക്കുന്നത്. പുലർച്ചെ ഡൽഹിയിൽ വിമാനത്താവളത്തിൽ എത്തുന്ന മൃതദേഹം വൈകീട്ടോടെയാകും കേരളത്തിൽ എത്തിക്കും .
ഉച്ചയ്ക്ക് കഴിഞ്ഞുള്ള എയർ ഇന്ത്യാ വിമാനത്തിലാണ് മൃതദേഹം കൊച്ചിയിൽ എത്തിക്കുക. ഇവിടെ നിന്നും ബന്ധുക്കൾ മൃതദേഹം ഏറ്റുവാങ്ങും.

ചൊവ്വാഴ്ച രാത്രിയാണ് ഹമാസിന്റെ റോക്കറ്റ് ആക്രമണത്തിൽ ഇടുക്കി സ്വദേശിനിയായ സൗമ്യ കൊല്ലപ്പെട്ടത്. നിയമ നടപടികൾ പൂർത്തിയാക്കിയ ശേഷം സൗമ്യയുടെ മൃതദേഹം ഇന്ത്യൻ എംബസി ഏറ്റുവാങ്ങിയിരുന്നു. ഇസ്രായേലിലെ ഇന്ത്യൻ സ്ഥാനപതിയുമായി മുഖ്യമന്ത്രിയുടെ ഓഫീസ് ബന്ധപ്പെട്ടാണ് മൃതദേഹം നാട്ടിലെത്തിക്കാനുള്ള നടപടികൾ വേഗത്തിലാക്കിയത്