കോട്ടയത്ത് വോൾവോ ബസിൽ കടത്താൻ ശ്രമിച്ച പത്ത് കിലോ കഞ്ചാവ് പിടികൂടി തമിഴ് നാട് സ്വദേശി അറസ്റ്റിൽ

കോട്ടയം: കോട്ടയത്ത് വോൾവോ ബസിൽ കടത്താൻ ശ്രമിച്ച പത്ത് കിലോ കഞ്ചാവ് പിടികൂടി. രഹസ്യ വിവരത്തെ തുടർന്ന് എക്സൈസ് നടത്തിയ പരിശോധനയിലാണ് കഞ്ചാവ് പിടികൂടിയത്. സംഭവത്തിൽ സേലം സ്വദേശി ശങ്കർ ഗണേശിനെ അറസ്റ്റ് ചെയ്തു.കോട്ടയത്ത് എത്തിച്ച കഞ്ചാവ് മറ്റു ജില്ലകളിലേക്ക് കടത്താനായിരുന്നു പദ്ധതി. അഞ്ച് പൊതികളിൽ പാക്ക് ചെയ്ത് വലിയ ബാഗിൽ ഒളിപ്പിച്ച നിലയിലായിരുന്നു കഞ്ചാവ്. കോട്ടയം കോടിമതയിൽ ബസ്സിറങ്ങിയപ്പോഴാണ് ശങ്കർ ഗണേശിനെ അറസ്റ്റ് ചെയ്തത്.കല്ലട ട്രാവെൽസ്ന്റെ വോൾബസ്സിലാണ് തമിഴ് നാട്ടിൽ നിന്നും കഞ്ചാവ് കോട്ടയത്ത് എത്തിച്ചത് കല്ലട ട്രാവൽസിന്റെ കഞ്ചാവ് കടത്തിൽ പങ്കുണ്ടോ എന്നതും ഉദ്യോഗസ്ഥർ പരിശോധിക്കുന്നുണ്ട്

മുൻപും ശങ്കർ ഗണേശ് സേലത്തു നിന്ന് കേരളത്തിലേക്ക് കഞ്ചാവ് എത്തിച്ചിട്ടുണ്ട്. കഞ്ചാവ് കേരളത്തിലെത്തിക്കാൻ ഇയാളെ നിയോഗിച്ച സംഘത്തെ കണ്ടെത്താൻ എക്സൈസ് അന്വേഷണം തുടങ്ങി. കഴിഞ്ഞ ഒരു മാസമായി ജില്ലയുടെ വിവിധ ഭാഗങ്ങളിൽ എക്സൈസ് ശക്തമായ പരിശോധന നടത്തി വരികയായിരുന്നു.