സുല്ത്താന് ഖാബൂസ് ബിന് സെയ്ദ് അന്തരിച്ചു
ഭരണത്തില് 50 വര്ഷം തികയ്ക്കാന് ഏഴ് മാസം ബാക്കി നില്ക്കെയാണ് മരണം. സുല്ത്താന്റെ മരണത്തെ തുടര്ന്ന് ഒമാനില് 40 ദിവസത്തെ ദുഃഖാചരണം പ്രഖ്യാപിച്ചിട്ടുണ്ട്.
![](https://indiavisionmedia.com/wp-content/uploads/2020/01/oman-2.jpg)
മസ്കറ്റ് : ഒമാന് ഭരണാധികാരി സുല്ത്താന് ഖാബൂസ് ബിന് സെയ്ദ് അന്തരിച്ചു. 79 വയസായിരുന്നു.1940 നവംബര് 18 ന് സലാലയിലായിരുന്നു ഖാബൂസിന്റെ ജനനം. അന്നത്തെ സുല്ത്താന് സഈദ് ബിന് തൈമൂറിന്റെയും ശൈഖ മസൂനയുടെയും ഏക മകന്. ഇംഗ്ലണ്ടിലായിരുന്നു ഉപരിപഠനം. 1970 ജൂലൈ 23ന് ഖാബൂസ് പിതാവ് സഈദ് ബിന് തൈമൂറില് നിന്ന് അധികാരം പിടിച്ചെടുത്തു. അന്ന് മുതല് ഒമാന്റെ എല്ലാമെല്ലാം സുല്ത്താന് ഖാബൂസാണ് ഏറെ നാളായി അര്ബുദ ബാധിതനായി ചികിത്സയിലായിരുന്നു. 49 വര്ഷമായി ഒമാന്റെ ഭരണാധികാരിയാണ്. ആധുനിക ഒമാന്റെ ശില്പിയായാണ് അദ്ദഹം അറിയപ്പെടുന്നത്. ഭരണത്തില് 50 വര്ഷം തികയ്ക്കാന് ഏഴ് മാസം ബാക്കി നില്ക്കെയാണ് മരണം. സുല്ത്താന്റെ മരണത്തെ തുടര്ന്ന് ഒമാനില് 40 ദിവസത്തെ ദുഃഖാചരണം പ്രഖ്യാപിച്ചിട്ടുണ്ട്.
49 വര്ഷം ഒമാന്റെ പരമാധികാരി, വികസനത്തിലേക്ക് നയിച്ച ഭരണാധികാരി, പകരം വെക്കാനില്ലാത്ത രാഷ്ട്ര ശില്പി,സുല്ത്താനേറ്റ് ഓഫ് ഒമാന് എന്ന രാജ്യത്തിന്റെ പര്യായമായിരുന്നു അതിന്റെ ഭരണാധികാരി സുല്ത്താന് ഖാബൂസ്. 49 വര്ഷം തുടര്ച്ചയായി രാഷ്ട്രപിതാവ്, പ്രസിഡന്റ്, പ്രധാനമന്ത്രി, സൈനിക മേധാവി തുടങ്ങി എല്ലാ സുപ്രധാന പദവികളും വഹിച്ച പരമാധികാരി. ചോദ്യം ചെയ്യപ്പെടാത്ത വിധം ഒമാനി ജനതയുടെ പ്രിയപ്പെട്ട നേതാവ് കൂടിയായിരുന്നു സുല്ത്താന് ഖാബൂസ്.വിവാഹ മോചിതനായ സുല്ത്താന് മക്കളില്ലായിരുന്നു. അതുകൊണ്ട് ഒമാന് പ്രഖ്യാപിത കിരീടാവകാശിയും ഉണ്ടായില്ല.