പഹൽഗാം ആക്രമണം നടത്തിയ ഭീകരരെ സുരക്ഷ സേന കണ്ടെത്തിയെന്ന് റിപ്പോർട്ട്
കുല്ഗാമില് നിന്ന് രക്ഷപ്പെടാന് ശ്രമിക്കുന്നതിനിടെയാണ് ഭീകരര് സൈന്യത്തിന് നേരെ വെടിവെച്ചത്. സൈന്യം തിരിച്ചടിച്ചു. കഴിഞ്ഞ 5 ദിവസത്തിനിടെ നാലിടങ്ങളില് സൈന്യം ഭീകരര്ക്ക് അടുത്തെത്തിയെന്നാണ് റിപ്പോര്ട്ട്. സൈന്യവും സിആര്പിഎഫും ജമ്മു കശ്മീര് പൊലീസും സംയുക്തമായാണ് തിരച്ചില് നടത്തുന്നത്. അനന്ത്നാഗിലെ ഹാപ്പെത് നഗര് ഗ്രാമത്തില്വെച്ചാണ് ആദ്യം ഭീകരരെ കണ്ടതെന്നാണ് റിപ്പോര്ട്ട്. പക്ഷെ ഇവര് സൈന്യമെത്തുംമുന്പേ കടന്നുകളഞ്ഞു.
ശ്രീനഗര്|.പഹൽഗാം ആക്രമണം നടത്തിയ ഭീകരരെ നാലു സ്ഥലങ്ങളിൽ സുരക്ഷ സേന കണ്ടെത്തിയെന്ന് റിപ്പോർട്ട്, ഭീകരരും സുരക്ഷാസേനയും തമ്മില് ഏറ്റുമുട്ടലുണ്ടായതായി റിപ്പോര്ട്ട്. കുല്ഗാം വനമേഖലയില്വെച്ചാണ് വെടിവയ്പ്പുണ്ടായത്. കുല്ഗാമില് നിന്ന് രക്ഷപ്പെടാന് ശ്രമിക്കുന്നതിനിടെയാണ് ഭീകരര് സൈന്യത്തിന് നേരെ വെടിവെച്ചത്. സൈന്യം തിരിച്ചടിച്ചു. കഴിഞ്ഞ 5 ദിവസത്തിനിടെ നാലിടങ്ങളില് സൈന്യം ഭീകരര്ക്ക് അടുത്തെത്തിയെന്നാണ് റിപ്പോര്ട്ട്. സൈന്യവും സിആര്പിഎഫും ജമ്മു കശ്മീര് പൊലീസും സംയുക്തമായാണ് തിരച്ചില് നടത്തുന്നത്. അനന്ത്നാഗിലെ ഹാപ്പെത് നഗര് ഗ്രാമത്തില്വെച്ചാണ് ആദ്യം ഭീകരരെ കണ്ടതെന്നാണ് റിപ്പോര്ട്ട്. പക്ഷെ ഇവര് സൈന്യമെത്തുംമുന്പേ കടന്നുകളഞ്ഞു.
തുടര്ന്ന് കുല്ഗാം വനമേഖലയില് ഇവരുടെ സാന്നിധ്യം തിരിച്ചറിഞ്ഞു. പക്ഷെ കുല്ഗാമില് നിന്നും ഭീകരര് രക്ഷപ്പെട്ടു. സുരക്ഷാസേനയ്ക്കു നേരെ വെടിയുതിര്ത്ത ശേഷമാണ് ഭീകരര് വനമേഖലയിലേക്ക് കടന്നത്. മൂന്നാമത് ത്രാല് കോക്കര്നാഗ് വനമേഖലയിലാണ് ഭീകരരെ കണ്ടെത്തിയത്. ഭീകരര് നിലവില് കോക്കര്നാഗ് മേഖലയിലുണ്ടെന്നാണ് വിവരം. തെക്കന് കശ്മീരില് നിന്ന് ജമ്മു മേഖലയിലേക്ക് കടക്കാനാണ് ഭീകരര് ശ്രമിക്കുന്നതെന്നാണ് സുരക്ഷാ ഏജന്സികളുടെ വിലയിരുത്തല്.ഭീകരര് വനമേഖലയ്ക്ക് അടുത്തുളള ഗ്രാമത്തിലെ വീടുകളിലെത്തി ഭക്ഷണം ആവശ്യപ്പെട്ടെന്നും സുരക്ഷാ ഏജന്സിക്ക് വിവരം ലഭിച്ചിട്ടുണ്ട്. ഭീകരരെ കണ്ടെത്തിയ നാല് സ്ഥലങ്ങളും അടുത്തടുത്താണുളളത്. പഹല്ഗാമില് നിന്ന് കുല്ഗാമിലേക്ക് വനമേഖലയിലൂടെ കടക്കാനാകും. അവിടെ നിന്ന് ത്രാല് കോക്കര്നാഗ് മേഖലയിലേക്കും എളുപ്പമെത്താന് സാധിക്കും. അതുകൊണ്ടുതന്നെ തെക്കന് കശ്മീരിലെ വനമേഖലകള് കേന്ദ്രീകരിച്ചാണ് സുരക്ഷാസേന വ്യാപക തിരച്ചില് നടത്തുന്നത്.
അതേസമയം, പഹൽഗാം ആക്രമണത്തിനു പിന്നിൽ പ്രവർത്തിച്ച പാകിസ്ഥാന് ചൈന പൂർണ്ണ പിന്തുണ പ്രഖ്യാപിച്ചതിൽ ഇന്ത്യക്ക് കടുത്ത അതൃപ്തി. ഭീകരവാദത്തിനു പിന്തുണ നൽകുന്ന നിലപാടാണിതെന്ന വികാരമാണ് വിദേശകാര്യ വൃത്തങ്ങൾക്കുള്ളത്. ഐക്യരാഷ്ട്രരക്ഷാ സമിതി പാസാക്കിയ പ്രമേയത്തിൽ നിന്ന് ഇന്ത്യയുടെ അന്വേഷണവുമായി സഹകരിക്കണം എന്ന ഭാഗം ചൈനയുടെ സഹായത്തോടെ പാകിസ്ഥാൻ മാറ്റിയിരുന്നു. ഇതിനു പിന്നാലെയാണ് ഇന്നലെ പാകിസ്ഥാൻ വിദേശകാര്യമന്ത്രി ഇഷാഖ് ധർ ചൈനീസ് വിദേശകാര്യമന്ത്രി വാങ് യീയുമായി ചർച്ച നടത്തിയത്.
ഇന്ത്യ പ്രത്യാക്രമണത്തിന് തയ്യാറാകുന്നു എന്ന സൂചനകൾക്കിടെയാണ് പാകിസ്ഥാൻ വിദേശകാര്യമന്ത്രി ചൈനയുടെ സഹായം തേടിയത്. ചൈനയുടെ പ്രസ്താവനയ്ക്ക് ഇന്ത്യ ഇന്ന് മറുപടി നൽകിയേക്കും. പാകിസ്ഥാൻ പൗരൻമാരുടെ മടക്കം അടക്കമുള്ള വിഷയങ്ങൾ ഇന്ന് ആഭ്യന്തര മന്ത്രാലയം യോഗം ചേർന്ന് വിലയിരുത്തും. സേനാ മേധാവിമാരുമായുള്ള ചർച്ചകൾക്ക് ശേഷം പ്രതിരോധമന്ത്രി രാജ്നാഥ് സിംഗ് ഇന്നലെ പ്രധാനമന്ത്രി നരേന്ദ്ര മോദിയെ കണ്ടിരുന്നു