അത്യാസന്ന നിലയിൽ കൊച്ചിയിലെ ആശുപത്രിയിൽ എത്തിച്ച സംവിധായകൻ ഷാനവാസ് മരിച്ചു
ഇന്ന് രാത്രിയിലാണ് കോയമ്പത്തൊരിൽ നിന്നും അത്യാസന്ന നിലയിലായിരുന്ന അദ്ദേഹത്തെ കോയമ്പത്തൂരിലെ ആശുപത്രിയിൽ നിന്നും കൊച്ചിയിലേക്ക് എത്തിച്ചുത്
കൊച്ചി :അത്യാസന്ന നിലയിൽ കൊച്ചിയിലെ ആശുപത്രിയിൽ എത്തിച്ച സംവിധായകൻ ഷാനവാസ് മരിച്ചു ആശുപത്രിയിലെത്തി ഒന്നരമണിക്കൂറോളം സമയം അദ്ദേഹത്തെ രക്ഷിക്കാൻ ഡോക്ടർമാർ ശ്രമം നടത്തിയിരുന്നു അതീവ ഗുരുതരാവസ്ഥയിലായിരുന്ന അദ്ദേഹത്തിന്റെ ജീവൻ രക്ഷിക്കാൻ ഡോക്ടർമാർ ആയില്ല .ഇന്ന് രാത്രിയിലാണ് കോയമ്പത്തൊരിൽ നിന്നും അത്യാസന്ന നിലയിലായിരുന്ന അദ്ദേഹത്തെ കോയമ്പത്തൂരിലെ ആശുപത്രിയിൽ നിന്നും കൊച്ചിയിലേക്ക് എത്തിച്ചുത് . കോയമ്പത്തൂരിൽ നിന്നും റോഡ് മാർഗമായിരുന്നു യാത്ര. കോയമ്പത്തൂർ കെജി ആശുപത്രിയിലാണ് ഷാനവാസ് ചികിത്സയിലുണ്ടായിരുന്നത്.
പുതിയ സിനിമയുടെ എഴുത്തുമായി ബന്ധപ്പെട്ട് അട്ടപ്പാടിയിലായിരുന്നു ഷാനവാസ് നരണിപ്പുഴ. ഹൃദയാഘാതമുണ്ടായ ഷാനവാസിനെ സുഹൃത്തുക്കളാണ് ആശുപത്രിയില്‍ എത്തിച്ചത്. ആശുപത്രിയില്‍ എത്തിക്കുന്ന വഴി രക്തസ്രാവമുണ്ടായി. എഡിറ്ററായി സിനിമ രംഗത്ത് എത്തിയ സംവിധായകനാണ് ഷാനവാസ്.ജയസൂര്യ നായകനായെത്തിയ സൂഫിയും സുജാതയും എന്ന ചിത്രത്തിന്റെ സംവിധായകനും തിരക്കഥാകൃത്തുമാണ് ഷാനവാസ്. സംവിധായകന്‍, തിരക്കഥാകൃത്ത് എന്നതിന് പുറമെ മികച്ച എഡിറ്റര്‍ കൂടിയാണ്. 2015ല്‍ കരി എന്ന ചിത്രം സംവിധാനം ചെയ്തു. ഈ ചിത്രം ഏറെ നിരൂപക ശ്രദ്ധ പിടിച്ചു പറ്റിയിരുന്നു. ഒട്ടനവധി ചലച്ചിത്രോത്സവങ്ങളില്‍ പ്രദര്‍ശിപ്പിച്ച ഈ ചിത്രം നിരവധി പുരസ്‌കാരങ്ങളും നേടി