ബിജെപിയെ ഭയക്കുന്ന കോൺഗ്രസുകാർ പാർട്ടിക്ക് പുറത്തുപോകണമെന്ന് രാഹുൽഗാന്ധി
ഭയമില്ലാത്തവരെയാണ് കോണ്‍ഗ്രസിന് വേണ്ടതെന്നും ബി.ജെ.പിയെ ഭയപ്പെടുന്ന കോൺഗ്രസ്സുകാർക്ക് പുറത്ത് പോകാമെന്നും രാഹുല്‍ ഗാന്ധി പറഞ്ഞു.
ഡൽഹി :ബിജെപിയെ ഭയക്കുന്ന കോൺഗ്രസുകാർ പാർട്ടിക്ക് പുറത്തുപോകണമെന്ന് രാഹുൽഗാന്ധി. ആർ.എസ്.എസ് ആശയങ്ങളെ വിശ്വസിക്കുന്നവരെ കോൺഗ്രസിന് ആവശ്യമില്ലെന്ന് രാഹുൽ ഗാന്ധി തുറന്നടിച്ചു. കോൺഗ്രസിന്റെ സോഷ്യൽ മീഡിയ യോഗത്തിലാണ് രാഹുൽ ഗാന്ധിയുടെ പരാമർശം.ആർ.എസ്.എസിന്‍റെ ആശയധാര വിശ്വസിക്കുന്നവരെ കോൺഗ്രസിന് ആവശ്യമില്ല .
ഭയമില്ലാത്തവരെയാണ് കോണ്‍ഗ്രസിന് വേണ്ടതെന്നും ബി.ജെ.പിയെ ഭയപ്പെടുന്ന കോൺഗ്രസ്സുകാർക്ക് പുറത്ത് പോകാമെന്നും രാഹുല്‍ ഗാന്ധി പറഞ്ഞു. ആർ.എസ്.എസിന്‍റെ ആദർശം കൊണ്ടുനടക്കുന്നവര്‍ക്ക് പ്രവര്‍ത്തിക്കാനുള്ള ഇടമല്ല കോണ്‍ഗ്രസ് പാര്‍ട്ടി. അവരെ ഭയപ്പെടുന്നവരെയും കോണ്‍ഗ്രസിന് ആവശ്യമില്ല. അത്തരക്കാരെ കോൺഗ്രസിൽ നിന്നും പുറത്താക്കണം. പാര്‍ട്ടിക്ക് പുറത്ത് ഒരുപാട് ധീരന്മാരുണ്ട്. അവരെ കോണ്‍ഗ്രസിലെത്തിക്കണം രാഹുല്‍ പറഞ്ഞു.കോൺഗ്രസിന് ആവശ്യം ഭയമില്ലാത്തവരെയാണ്. അവരെ ഏത് സമയത്തും പാർട്ടി സ്വാഗതം ചെയ്യും. സംഘപരിവാറിന്റെ ആശയങ്ങളിൽ താത്പര്യമുള്ളവർ പാർട്ടിയിൽ നിന്ന് സ്വയം പുറത്തുപോകണമെന്നും രാഹുൽ ഗാന്ധി പറഞ്ഞു