ശാസ്ത്രത്തെയും ശാസ്ത്രജ്ഞരെയും വിശ്വസിക്കണം; പ്രധാനമന്ത്രി മന്‍ കി ബാത്തില്‍
കൊവിഡിനെതിരായ പോരാട്ടം തുടരുകയാണെന്ന് പ്രധാനമന്ത്രി മന്‍ കി ബാത്തില്‍
കൊവിഡിനെതിരായ പോരാട്ടം തുടരുകയാണെന്ന് പ്രധാനമന്ത്രി മന്‍ കി ബാത്തില്‍. ഈ പോരാട്ടത്തില്‍ ഒരുമിച്ച് നാം അസാധാരണമായ നിരവധി നാഴികക്കല്ലുകള്‍ നേടിയെന്നും പ്രധാനമന്ത്രി പറഞ്ഞു.ഇന്ന് രാജ്യത്ത് 31 കോടിയിലധികം വാക്‌സിന്‍ ഡോസുകള്‍ നല്‍കി.
വാക്‌സിനുകളുമായി ബന്ധപ്പെട്ട കിംവദന്തികളൊന്നും ദയവായി വിശ്വസിക്കരുതെന്നും പ്രധാനമന്ത്രി. ശാസ്ത്രത്തെയും ശാസ്ത്രജ്ഞരെയും വിശ്വസിക്കണം. ഒരു വര്‍ഷം മുമ്പ് ഇന്ത്യയ്ക്ക് സ്വന്തമായി കൊവിഡ് വാക്‌സിനുകള്‍ എപ്പോള്‍ ലഭിക്കുമെന്ന ആശങ്ക ഉണ്ടായിരുന്നു. ഒരു വര്‍ഷത്തിന് ശേഷം ലോകത്തെ ഏറ്റവും വലിയ വാക്‌സിന്‍ പരിപാടിയാണ് നമ്മുടേതെന്നും പ്രധാനമന്ത്രി ചൂണ്ടിക്കാട്ടി.
തനിക്കും രണ്ട് ഡോസുകളും ലഭിച്ചു. വാക്‌സിനോടുള്ള മടി മറികടക്കാന്‍ പ്രധാനമന്ത്രി നരേന്ദ്രമോദി ആഹ്വാനം ചെയ്തു. താന്‍ രണ്ട് ഡോസു വാക്‌സിന്‍ എടുത്തിട്ടുണ്ട്. നൂറ് വയസ് പ്രായമുള്ള തന്റെ അമ്മ രണ്ട് വാക്‌സിനുകളും എടുത്തിട്ടുണ്ടെന്നും മോദി.
മഴ പെയ്യുമ്പോള്‍ അവ നമുക്ക് മാത്രമല്ല, വരുംതലമുറകള്‍ക്കും വേണ്ടിയെന്ന് ഓര്‍ക്കണം. ജല സംരക്ഷണം രാജ്യത്തിനുള്ള ഒരു സേവനമാണ്. തമിഴ് ഭാഷയെ പ്രകീര്‍ത്തിച്ച പ്രധാനമന്ത്രി ഇന്ത്യ ഫസ്റ്റ് എന്നതാകണം നമ്മുടെ മുദ്രാവാക്യമെന്നും ആഹ്വാനം ചെയ്തു.