പ്രവാസികളെ തിരികെയെത്തിക്കാന്‍ നാവികസേനാ കപ്പലുകള്‍ പുറപ്പെട്ടു
തീര കടലില്‍ ഉണ്ടായിരുന്ന കപ്പലുകളെ പ്രവാസികളെ തിരികെയത്തിക്കാന്‍ നിയോഗിച്ചതായി നാവികസേന അറിയിച്ചു. ഐഎന്‍എസ് മഗറും ഐഎന്‍എസ് ജലാശ്വയുമാണ് മാലിദ്വീപിലേക്ക് പോയിരിക്കുന്നത്.
കൊച്ചി: ലോക്ക് ഡൗണില്‍ വിദേശത്ത് കുടുങ്ങിയ മലയാളികളെ തിരിച്ചെത്തിക്കാന്‍ നാവിക സേനാ കപ്പലുകള്‍ പുറപ്പെട്ടു. മാലിദ്വീപിലേക്ക് രണ്ട് കപ്പലുകളും ദുബൈയിലേക്ക് ഒരു കപ്പലുമാണ് തിരിച്ചിരിക്കുന്നത്. തീര കടലില്‍ ഉണ്ടായിരുന്ന കപ്പലുകളെ പ്രവാസികളെ തിരികെയത്തിക്കാന്‍ നിയോഗിച്ചതായി നാവികസേന അറിയിച്ചു. ഐഎന്‍എസ് മഗറും ഐഎന്‍എസ് ജലാശ്വയുമാണ് മാലിദ്വീപിലേക്ക് പോയിരിക്കുന്നത്.
ഐഎന്‍എസ് ഷാര്‍ദൂല്‍ ആണ് ദുബായിലേക്ക് പോയത്. കൊച്ചിയിലേക്കാണ് പ്രവാസികളുമായി കപ്പലുകള്‍ എത്തുക. കേന്ദ്രനിര്‍ദ്ദേശത്തിന്റെ അടിസ്ഥാനത്തിലാണ് കപ്പലുകള്‍ യാത്ര തിരിച്ചത്. രണ്ട് ദിവസത്തിനകം കപ്പലുകള്‍ ദുബായിലും മാലിദ്വീപിലും എത്തുമെന്ന് നാവികസേന അറിയിച്ചു. സാധാരണഗതിയില്‍ കപ്പലില്‍ 600 പേര്‍ക്ക് യാത്ര ചെയ്യാന്‍ സാധിക്കും എന്നാല്‍ കൊറോണയുടെ പശ്ചാത്തലത്തില്‍ അത് സാധിക്കില്ലെന്ന് അധികൃതര്‍ വ്യക്തമാക്കി