പിഡിപി ചെയര്മാന് അബ്ദുള് നാസര് മഅദ്നി ഇന്ന് കേരളത്തി;ൽ എത്തും
അര്ബുദരോഗം ബാധിച്ച ഗുരുതരാവസ്ഥയില് തുടരുന്ന മാതാവിനെ സന്ദര്ശിക്കാന് അനുമതി ലഭിച്ചതിനെ തുടർന്നാണ് കേരളത്തിൽ എത്താൻ അനുമതി നൽകിയത്
![](https://indiavisionmedia.com/wp-content/themes/revive-publisher7-11-0/images/default-thumb/full.png)
തിരുവനന്തപുരം:തീവ്രവാദ കേസിൽ ബംഗളുരുവിൽ ജാമ്യത്തിൽ കഴിയുന്ന പിഡിപി ചെയര്മാന് അബ്ദുള് നാസര് മഅദ്നി ഇന്ന് കേരളത്തി;ൽ എത്തും അര്ബുദരോഗം ബാധിച്ച ഗുരുതരാവസ്ഥയില് തുടരുന്ന മാതാവിനെ സന്ദര്ശിക്കാന് അനുമതി ലഭിച്ചതിനെ തുടർന്നാണ് കേരളത്തിൽ എത്താൻ അനുമതി നൽകിയത് രാവിലെ 10.30ന് ബംഗളൂരുവില് നിന്ന് വിമാന മാര്ഗം തിരുവനന്തപുരത്ത് വിമാനത്താവളത്തിലാണ് അദ്ദേഹം എത്തുക.ശാസ്താംകോട്ടയിൽ ആശുപത്രിയിൽ കഴിയുന്ന അമ്മയെ സന്ദർശിച്ച ശേഷം നവംബർ നാലിന് മടങ്ങും. ബംഗളൂരുവില് നിന്ന് പതിനൊന്ന് അംഗ പൊലീസ് സംഘം അദ്ദേഹത്തെ അനുഗമിക്കുന്നുണ്ട്. നിലവില് ജാമ്യത്തില് കഴിയുന്ന മഅദ്നിക്ക് ബംഗളൂരു വിട്ടു പുറത്തു പോകുന്നതിന് വിലക്കുണ്ട്.
രോഗം മൂര്ച്ഛിച്ചതിനെ തുടര്ന്ന് ഉമ്മ ഗുരുതരാവസ്ഥയിലാണെന്നും ഈ സാഹചര്യത്തില് കേരളത്തിലേക്ക് പോകാന് അനുമതി തരണ മെന്ന മഅദ്നിയുടെ ആവശ്യം കോടതി അംഗീകരിക്കുകയായിരുന്നു അതേസമയം അമ്മയെ സന്ദർശിക്കുന്നതിന് കടുത്ത നിയന്ത്രണങ്ങൾ നിർദേശിച്ച വിചാരണ കോടതി വിധിക്കെതിരെ അബ്ദുള്നാസര് മഅദ്നി കർണാടക ഹൈക്കോടതിയെ സമീപിച്ചിരുന്നു. പിഡിപി പ്രവർത്തകരെയും മറ്റ് രാഷ്ട്രീയ നേതാക്കളെയും കാണരുത്,സംസാരിക്കരുത് തുടങ്ങിയ നിബന്ധനകൾ പ്രോസിക്യുഷന് കോടതിയിൽ ആവശ്യപ്പെട്ടിരുന്നു എന്നാൽ ഇത് മൗലികാവകാശ ലംഘനമാണെന്നായിരുന്നു മഅദ്നിയുടെ വാദം .