ചോദ്യം ചെയ്യലിന് ഹാജരാകാൻ നടി ലീന മരിയ പോളിന് നോട്ടിസ്.

കൊച്ചി ബ്യൂട്ടി പാർലർ വെടിവയ്പ്പ് കേസിൽ നടി ലീന മരിയ പോളിന് നോട്ടിസ്. മൊഴി എടുക്കലിന് ഹാജരാകാനാണ് പൊലീസ് നോട്ടിസ് നൽകിയിരിക്കുന്നത്.കേസിലെ പരാതിക്കാരി എന്നനിലയിലാണ് നടിയുടെ മൊഴി എടുക്കുന്നത്. രവി പൂജാരിയുടെ ശബ്ദസമ്പിൽ തിരിച്ചറിയുന്നതിനും ലീനയുടെ സമ്പത്തിക സ്രോതസ്സുകളുടെ വിവരം എങ്ങനെ രവി പൂജാരി അറിഞ്ഞു എന്നതിൽ വ്യക്തത വരുത്തുന്നതിനുമാണിത്.ലീന മരിയ പോളിന്റെ സുഹൃത്ത് വഴിയാണ് സാമ്പത്തിക വിവരം രവി പൂജാരിയിലേക്ക് എത്തിയത് എന്നാണ് പൊലീസ് കണ്ടെത്തൽ. രവി പൂജാരിയുടെ ശബ്ദസാമ്പിളും പൊലീസ് ശേഖരിച്ചിട്ടുണ്ട്. നാളെ ഇവ കോടതിക്ക് കൈമാറും.

ഇതിനിടെ ബ്യൂട്ടി പാർലർ വെടിവയ്പ് കേസിൽ നിർണ്ണായക പങ്ക് അധോലോക കുറ്റവാളി രവി പൂജാരി പൊലീസിനോട് കഴിഞ്ഞ ദിവസം വെളിപ്പെടുത്തിയിരുന്നു. പണം ആവശ്യപ്പെട്ട് നടി ലീന മരിയ പോളിനെ ഫോണിൽ ഭീഷണിപ്പെടുത്തിയത് താൻ തന്നെയെന്നാണ് ഇയാൾ ചോദ്യം ചെയ്യലിൽ സമ്മതിച്ചിരിക്കുന്നത്. രവി പൂജാരിയുടെ മൊഴിയുടെ അടിസ്ഥാനത്തിൽ മംഗളൂരു, കാസര്‍കോട് മേഖകളിലെ ക്വട്ടേഷൻ സംഘത്തിലേക്ക് എടിഎസ് അന്വേഷണം വ്യാപിപ്പിച്ചു.കൊച്ചി പനമ്പിള്ളിനഗറില്‍ നടി ലീന മരിയ പോളിന്‍റെ ഉടമസ്ഥതയിലുള്ള ബ്യൂട്ടി പാർലറില്‍ നടന്ന വെടിവയ്പ് കേസിൽ തന്‍റെ പങ്ക് രവി പൂജാരി ഭീകര വിരുദ്ധ സ്ക്വാഡിന്റെ ചോദ്യം ചെയ്യലില്‍ വെളിപ്പെടുത്തി. രവി പൂജാരിയെ ചോദ്യം ചെയ്തതിൽ നിന്ന്, വെടിവയ്പിന് പിന്നിൽ പ്രവർത്തിച്ച മംഗലാപുരം കാസർകോട് മേഖലകളിലെ ഗുണ്ടാ സംഘത്തെക്കുറിച്ച് പൊലീസിന് സൂചനകൾ ലഭിച്ചു.

ലീന മരിയാ പോളിനെക്കുറിച്ചും ഇവരുടെ സാമ്പത്തിക ഇടപാടുകളെക്കുറിച്ചും തനിക്ക് വിവരം നൽകിയത് ഈ ഗുണ്ടാ സംഘമാണെന്ന് രവി പൂജാരി ചോദ്യം ചെയ്യലിൽ സമ്മതിച്ചു. കൊച്ചിയിൽ വെടിവയ്പിന് ആളെ നിയോഗിച്ചതും ഇവർ വഴിയായിരുന്നു. ലീന മരിയ പോളിനെ ഭീഷണിപ്പെടുത്തിയത് താനാണെന്നും പൂജാരി ചോദ്യം ചെയ്യലിൽ സമ്മതിച്ചിട്ടുണ്ട്. ഇതോടെ കേസില്‍ കൂടുതല്‍പേര്‍ പ്രതികളാകുമെന്ന് ഉറപ്പായി. ഫോൺ വിളിച്ച് 25 കോടി ആവശ്യപ്പെടാനായിരുന്നു തീരുമാനം. എന്നാൽ നടി ഭീഷണിക്ക് വഴങ്ങാതെ വന്നതോടെയാണ് വെടിവെയ്പ് നടത്താൻ തീരുമാനിച്ചത്.

രവി പൂജാരിയുടെ ശബ്ദ സാമ്പിൾ തിരിച്ചറിയുന്നതിനും, ലീനയുടെ സമ്പത്തിക സ്രോതസുകളുടെ വിവരം എങ്ങനെ രവി പൂജാരി അറിഞ്ഞു എന്നതിൽ വ്യക്തത വരുത്തുന്നതിനും ആണ് വിളിപ്പിച്ചിരിക്കുന്നത്. ലീന മരിയ പോളിന്റെ സുഹൃത്ത് വഴിയാണ് വിവരം രവി പൂജാരിയിലേക്ക് എത്തിയത് എന്നാണ് പൊലീസ് കണ്ടെത്തൽ.രവി പൂജാരിയുടെ ശബ്ദ സാമ്പിൾ പൊലീസ് ശേഖരിച്ചിട്ടുണ്ട്. നാളെ ഇവ കോടതിക്ക് കൈമാറാനാണ് തീരുമാനം.അതേസമയം നടിക്ക് അധോലോക ബന്ധമുണ്ടെന്നും ആരോപണമുണ്ട്