ഒമ്പത് ഭീകര കേന്ദ്രങ്ങള് തകര്ത്തുവെന്നും 100 തീവ്രവാദികള് കൊല്ലപ്പെട്ടു.ഇന്ത്യ ലക്ഷ്യം വച്ചത് തീവ്രവാദികളെ മാത്രം
ഒമ്പത് ഭീകര കേന്ദ്രങ്ങള് തകര്ത്തുവെന്നും 100 തീവ്രവാദികള് കൊല്ലപ്പെട്ടുവെന്നും സേന വിശദീകരിച്ചു.പുൽവാമ ഭീകരാക്രമണത്തിലും, കാണ്ഡഹാർ വിമാനറാഞ്ചലിലും ഭാഗമായ കൊടും തീവ്രവാദികളെ ഇല്ലാതാക്കാനായി
ഡല്ഹി| തീവ്രവാദികളെ മാത്രമാണ് ഓപ്പറേഷന് സിന്ദൂര് ലക്ഷ്യംവെച്ചതെന്ന് സേന. കര-നാവിക-വ്യോമ സേനയുടെ സംയുക്ത വാര്ത്താ സമ്മേളനത്തിലാണ് തെളിവുകൾ നിരത്തി വിശദീകരിച്ചത്. ഒമ്പത് ഭീകര കേന്ദ്രങ്ങള് തകര്ത്തുവെന്നും 100 തീവ്രവാദികള് കൊല്ലപ്പെട്ടുവെന്നും സേന വിശദീകരിച്ചു.പുൽവാമ ഭീകരാക്രമണത്തിലും, കാണ്ഡഹാർ വിമാനറാഞ്ചലിലും ഭാഗമായ കൊടും തീവ്രവാദികളെ ഇല്ലാതാക്കാനായി. ഇക്കാര്യത്തിൽ ഒരു സംശയവുമില്ലെന്നും അതിര്ത്തിയിലെ ഭീകര കേന്ദ്രങ്ങളുടെ ഭൂപ്രകൃതിയും നിര്മ്മാണ രീതിയുമുള്പ്പെടെ വിശദമായി പരിശോധിച്ചെന്നും മറ്റ് നാശനഷ്ടങ്ങളുണ്ടാകാതിരിക്കാന് സ്വയം നിയന്ത്രണങ്ങളേര്പ്പെടുത്തിയിരുന്നെന്നും സേന വ്യക്തമാക്കി
‘നിരവധി കേന്ദ്രങ്ങള് നിരീക്ഷണത്തിലുണ്ടായിരുന്നു. പലതില് നിന്നും തിരിച്ചടി ഭയന്ന് ഭീകരര് ഒഴിഞ്ഞുപോയിരുന്നു. തീവ്രവാദികളെ മാത്രമാണ് ലക്ഷ്യംവെച്ചത്. ഒമ്പത് ക്യാംപുകളില് തീവ്രവാദികളുണ്ടെന്ന് ഇന്റലിജന്സ് സ്ഥിരീകരിച്ചു. ഇവയില് ചിലത് പാക് അധിനിവേശ കശ്മീരിലായിരുന്നു. മറ്റുളളവ പാകിസ്താനിലെ പഞ്ചാബ് പ്രവിശ്യയിലായിരുന്നു. കൊടുംഭീകരരെ പരിശീലിപ്പിച്ച ലഷ്കര് ഇ തൊയ്ബയുടെ കേന്ദ്രമായ മുരുദ്കെ തകര്ക്കാനായി’- ലഫ്. ജനറല് രാജീവ് ഘായ് പറഞ്ഞു.
സേനകളെയും നിരപരാധികളായ വിനോദസഞ്ചാരികളെയും ആക്രമിച്ചപ്പോഴാണ് തിരിച്ചടി നൽകേണ്ടതുണ്ട് എന്ന തീരുമാനത്തിലേക്ക് സൈന്യം എത്തിയത്. സൈന്യത്തിന്റേത് തീവ്രവാദികളെ മാത്രം ലക്ഷ്യമിട്ടുകൊണ്ടുള്ള ആക്രമണമായിരുന്നു. കണിശതയോടെ ഭീകരകേന്ദ്രങ്ങളിലേക്ക് അതിർത്തി കടന്ന് ആക്രമിക്കാൻ തീരുമാനിച്ചു. അതിനായി അതിർത്തിക്കപ്പുറത്തെ ഭീകരകേന്ദ്രങ്ങളുടെ പട്ടിക തയ്യാറാക്കി പരിശോധിച്ചു. അതിൽ ചില ഭീകരകേന്ദ്രങ്ങൾ തിരിച്ചടിയുണ്ടാകും എന്ന് ഉറപ്പായതോടെ ആളൊഴിഞ്ഞു പോയതായി കണ്ടെത്തി. 9 ഭീകര കേന്ദ്രങ്ങളാണ് ഇന്ത്യ ഉന്നമിട്ട് ആക്രമിച്ചത്, പാക് അധീന കശ്മീരിലെയും പാകിസ്ഥാൻ പഞ്ചാബിലെയും ഭീകരകേന്ദ്രങ്ങളാണ് ആക്രമിച്ചത്. ഭാഗല്പൂരിലെയും മുരിദ്കെയിലെയും കൊടും ഭീകരരുടെ താവളങ്ങളടക്കം തകർക്കാനായി. അജ്മൽ കസബിനെയും ഡേവിഡ് ഹെഡ്ലിയെയും പരിശീലിപ്പിച്ച മുരിദ്കെയിലെ ലഷ്കർ ക്യാമ്പ് ആക്രമണം നടത്താൻ ഉന്നമിട്ടതിൽ പ്രധാനപ്പെട്ടതായിരുന്നുവെന്നും പ്രതിരോധ സേന വ്യക്തമാക്കി.
ആക്രമണം നടത്തിയ ദൃശ്യങ്ങളും സൈന്യം പുറത്തുവിട്ടിട്ടുണ്ട്. ഡ്രോണുകൾ ഉപയോഗിച്ചും മിസൈലുകള് ഉപയോഗിച്ചുമാണ് ഇന്ത്യന് മിലിട്ടറി താവളങ്ങളെ പാകിസ്താന് ആക്രമിക്കാന് ശ്രമിച്ചത്. പാകിസ്താന്റെ ആക്രമണങ്ങളെയെല്ലാം പ്രതിരോധിച്ചു. ഏഴാം തിയതിയും എട്ടാം തിയതിയും അതിര്ത്തിയിലെ എല്ലാ നഗരങ്ങള്ക്കുമുകളിലും ഡ്രോണുകള് എത്തി. അവയെല്ലാം സുരക്ഷാസേന വെടിവെച്ചിട്ടു. സിവിലിയന് വിമാനങ്ങള് പറക്കുന്നതിനിടെയായിരുന്നു പാകിസ്താന്റെ ആക്രമണം.