വയനാട്ടിൽ എൻ ഡി എ പുതിയ സ്ഥാനാർത്ഥിയെ പ്രഖ്യപിക്കും

തിരുവനന്തപുരം : വയനാട്ടിൽ രാഹുൽ ഗാന്ധി മത്സരിക്കുമെന്നുറപ്പായതോടെ വയനാട്ടിലെ നിലവിലെ എൻഡിഎ സ്ഥാനാര്‍ത്ഥിയെ മാറ്റാൻ തീരുമാനമായി . സ്ഥാനാർത്ഥിയെ മാറ്റി കുറേക്കൂടി ജാൻ പിന്തുണയുള്ള സഥാനാർത്ഥിയെ ബിജെപി ദേശീയ നേതൃത്വവുമായി ചര്‍ച്ച ചെയ്തെന്ന് തുഷാര്‍ വെള്ളാപ്പള്ളി പറഞ്ഞു. ബിഡിജെഎസ് നേതാവ് പൈലി വാദ്യാട്ടിനെയായിരുന്നു നേരത്തെ വയനാട്ടിലെ സ്ഥാനാര്‍ത്ഥിയായി തീരുമാനിച്ചിരുന്നത്. പകരം ബി ജെ പി യുടെ സംസ്ഥാന നേതാക്കളിൽ ആരെയെങ്കിലും മത്സരിപ്പിക്കാനാണ് നേതൃത്വം ആലോചിക്കുന്നത്

രാഹുൽ മത്സരിക്കാനെത്തിയാൽ ബിജെപി ദേശീയ നേതാവ് തന്നെ വയനാട്ടിൽ മത്സരിക്കാനെത്തുമെന്ന അഭ്യൂഹങ്ങൾ നേരത്തെ തന്നെ ഉണ്ടായിരുന്നു, സ്ഥാനാര്‍ത്ഥി പ്രഖ്യാപനം നടത്തിയപ്പോഴും രാഹുലിന്‍റെ തീരുമാനം അനുസരിച്ച് ഇക്കാര്യത്തിൽ ഭേദഗതി ഉണ്ടാകുമെന്ന് എൻഡിഎ നേതൃത്വം അറിയിക്കുകയും ചെയ്തിരുന്നു.ഇന്ന് വൈകുന്നേരത്തിനകം തന്നെ വയനാട് സ്ഥാനാര്‍ത്ഥിയുടെ കാര്യത്തിൽ തീരുമാനം ഉണ്ടാകുമെന്ന പ്രതീക്ഷയും തുഷാര്‍ വെള്ളാപ്പള്ളി പ്രതീക്ഷ പങ്കുവയ്ക്കുന്നു