മുല്ലപ്പെരിയാർ ഡാം നാളെ തുറക്കാൻ സാധ്യത: ജില്ലാ ഭരണകൂടം മുന്നൊരുക്കങ്ങൾ പൂർത്തിയാക്കുന്നു,883 കുടുംബങ്ങളെ മാറ്റിപാർപ്പിക്കുന്നു

ഇടുക്കി | കനത്തമഴയെതുടര്നുള്ള നീരൊഴുക്കിൽ ജലനിരപ്പ് ഉയർന്നതിനെത്തുടർന്ന് മുല്ലപ്പെരിയാർ അണക്കെട്ടിലെ ജലനിരപ്പ് ഉയരുന്നതിനാൽ അണകെട്ട് തുറന്ന് അധിക ജലം ഒഴുക്കൻ നടപടി പൂർത്തിയതായി തമിഴ്നാട് സർക്കാർ അറിയിച്ചു . ജലനിരപ്പ് 136 അടി ആകുമ്പോൾ ഷട്ടറുകൾ തുറക്കുമെന്ന് തമിഴ്നാട് ജലസേചന വകുപ്പ് അറിയിച്ച സാഹചര്യത്തിൽ ഇടുക്കി ജില്ലാ ഭരണകൂടം മുന്നൊരുക്കങ്ങൾ പൂർത്തിയാക്കുന്നു.ജലനിരപ്പ് വർദ്ധിക്കുന്ന സാഹചര്യത്തിൽ പെരിയാർ, മഞ്ജുമല, ഉപ്പുതുറ ,ഏലപ്പാറ, അയ്യപ്പൻകോവിൽ, കാഞ്ചിയാർ ആനവിലാസം, ഉടുമ്പഞ്ചോല എന്നിവിടങ്ങളിൽ നിന്ന് 883 കുടുംബങ്ങളിലെ 3220 പേരെ ഇന്ന് രാത്രി 8 മണിക്ക് മുൻപ് സുരക്ഷിതസ്ഥാനത്തേക്ക് മാറ്റാൻ ജില്ലാ കളക്ടർ വി വിഗ്നേശ്വരി റവന്യൂ ,പോലീസ് അധികാരികൾക്ക് നിർദ്ദേശം നൽകി. ഇവർക്കായി 20ലധികം ക്യാമ്പുകൾ ഒരുക്കി കഴിഞ്ഞു. ഷട്ടറുകൾ തുറക്കേണ്ട സാഹചര്യമുണ്ടായാൽ പകൽ സമയത്ത് മാത്രമേ ആകാവൂ എന്ന് തമിഴ്നാടിനോട് അഭ്യർത്ഥിച്ചതായി കളക്ടർ അറിയിച്ചു. ഏത് അടിയന്തര സാഹചര്യവും നേരിടാൻ ജില്ലാ ഭരണകൂടം തയ്യാറാണ്. വെള്ളിയാഴ്ച നാലുമണിവരെ ജലനിരപ്പ് 135.25 ആണ്. റവന്യൂ, പോലീസ് അധികാരികളുടെ നിർദ്ദേശങ്ങൾ പൊതുജനങ്ങൾ കൃത്യമായി പാലിക്കണമെന്ന് കളക്ടർ അഭ്യർത്ഥിച്ചു.അണക്കെട്ടിലെ ജലനിരപ്പ് 135.30 അടിയാണ് അണക്കെട്ടിലേക്ക് മണിക്കൂറിൽ 3800.00 സുസെക്സ് ജലം ഒഴുകി എത്തുന്നുണ്ട് , സ്പിൽവേ ഷട്ടർ വഴി തമിഴ്നാട് 2050.00 cusecs ജലമാണ് കൊണ്ടുപോകുന്നത് . വൃഷ്ടിപ്രദേശത്ത് കനത്ത മഴ പെയ്യുന്നതിനാൽ ജലനിരപ്പ് വീണ്ടും വർദ്ധിക്കാനാണ് സാധ്യത .