വിവിധ സംസ്ഥാനങ്ങളുടെ ആവശ്യപ്രകാരം ലോക്ക് ഡൗൺ നീട്ടിയേക്കും

രാജ്യത്ത് ഏർപ്പെടുത്തിയിരിക്കുന്ന ലോക്ക് ഡൗൺ നീട്ടാൻ കേന്ദ്ര സർക്കാർ ആലോചിക്കുന്നു. വിവിധ സംസ്ഥാനങ്ങളുടെ ആവശ്യപ്രകാരമാണ് ഇത്തരമൊരു ആലോചന കേന്ദ്രം നടത്തുന്നതെന്നാണ് വാർത്ത ഏജൻസിയായ എഎൻഐ റിപ്പോർട്ട് ചെയ്യുന്നത്. വിവിധ സംസ്ഥാനങ്ങളും ആരോഗ്യവിദഗ്ധരും ലോക്ക് ഡൗൺ നീട്ടണമെന്ന് കേന്ദ്ര സർക്കാരിനോട് അഭ്യർത്ഥിച്ചിട്ടുണ്ട്.

പ്രധാനമന്ത്രി നിർദേശിച്ചത് പ്രകാരം 13 സംസ്ഥാനങ്ങളാണ് ഈ വിഷയത്തിൽ അഭിപ്രായം അറിയിച്ചിരിക്കുന്നത്. ഇതിൽ 10 സംസ്ഥാനങ്ങളും ലോക്ക് ഡൗൺ നീട്ടണമെന്ന ആവശ്യമാണ് ഉന്നയിച്ചിരിക്കുന്നത്. പശ്ചിമബംഗാൾ, മേഘാലയ, മിസോറാം സർക്കാരുകൾ മാത്രമാണ് ലോക്ക ഡൗൺ നീട്ടേണ്ടതില്ല എന്ന ആവശ്യവുമായി രംഗത്ത് വന്നിരിക്കുന്നത്.