കെഎസ്ആര്‍ടിസി ബസും കണ്ടെയ്‌നര്‍ ലോറിയും കൂട്ടിയിടിച്ച് .17 മരണം..നിരവധി ആളുകള്‍ക്ക് പരിക്കേറ്റു
കോയമ്പത്തൂര്‍ അവിനാശി റോഡില്‍ ഇന്ന് പുലര്‍ച്ചെയാണ് അപകടമുണ്ടായത്.മരിച്ചവരില്‍ മൂന്ന് പേര്‍ സ്ത്രീകളാണെന്നാണ് പ്രാഥമിക നിഗമനം
പാലക്കാട്: തമിഴ്‌നാട്ടില്‍ കെഎസ്ആര്‍ടിസി ബസും കണ്ടെയ്‌നര്‍ ലോറിയും കൂട്ടിയിടിച്ച് 17മരണം. അപകടത്തില്‍ നിരവധി ആളുകള്‍ക്ക് പരിക്കേറ്റു. കോയമ്പത്തൂര്‍ അവിനാശി റോഡില്‍ ഇന്ന് പുലര്‍ച്ചെയാണ് അപകടമുണ്ടായത്.മരിച്ചവരില്‍ മൂന്ന് പേര്‍ സ്ത്രീകളാണെന്നാണ് പ്രാഥമിക നിഗമനം. എറണാകുളത്തു നിന്നും ബംഗളൂരുവിലേക്ക് പോകുകയായിരുന്ന ബസാണ് അപകടത്തില്‍പ്പെട്ടത്. അമിത വേഗതയാണ് അപകട കാരണമെന്ന് ദൃക്‌സാക്ഷികള്‍ പറഞ്ഞു. 
പുലര്‍ച്ചെ മൂന്ന് മണിയോടെയായിരുന്നു അപകടം ബെംഗളൂരുവില്‍ നിന്ന് എറണാകുളത്തേക്ക് വരികയായിരുന്ന കെഎസ്ആര്‍ടിസി വോള്‍വോ ബസും മിനി ലോറിയുമാണ് അപകടത്തില്‍ പെട്ടത്. കെഎസ്ആര്‍ടിസി ഉദ്യോഗസ്ഥര്‍ അപകടസ്ഥലത്തേക്ക് പുറപ്പെട്ടിട്ടുണ്ട്.വണ്‍വേ ട്രാക്കിലൂടെ സഞ്ചരിക്കുകയായിരുന്ന കെഎസ്ആര്‍ടിസി ബസിന് നേരെ ട്രാഫിക് നിയമം ലംഘിച്ച് എതിര്‍ ദിശയില്‍ നിന്ന് വന്ന കണ്ടെയ്നല്‍ ലോറി ഇടിക്കുകയായിരുന്നു.യാത്രക്കാര്‍ ഉറങ്ങുന്ന സമയമായതിനാലും നഗരത്തില്‍ നിന്നും അല്‍പം അകലെയായാണ് വാഹനാപകടം നടന്നതെന്നതും മരണസംഖ്യ ഉയരാന്‍ സാധ്യതയുണ്ടെന്നുമാണ് ലഭിക്കുന്ന വിവരങ്ങള്‍