അമിത് ഷായെ അറസ്റ്റ് ചെയ്ത കന്തസ്വാമി തമിഴ്നാട്ടിൽ വിജിലന്സ് അഴിമതി വിരുദ്ധ വിഭാഗം മേധാവി
അമിത്ഷായെ ഞെട്ടിച്ച ഐപിഎസ് ഉദ്യോഗസ്ഥന് പി.കന്തസ്വാമിയെ നിയമിച്ചു. ഡിജിപി റാങ്കോടു കൂടിയാണ് മുഖ്യന്ത്രി എം.കെ.സ്റ്റാലിന് കന്തസ്വാമിയെ നിയമിച്ചിരിക്കുന്നത്.2010-ല് സൊഹ്റാബുദ്ദീന് ഷെയ്ക് ഏറ്റുമുട്ടല് കേസിലെ കുറ്റാരോപണത്തില് ഗുജറാത്ത് ആഭ്യന്തര മന്ത്രിയായിരുന്ന അമിത് ഷായെ അറസ്റ്റ് ചെയ്ത സിബഐ അന്വേഷണ സംഘത്തിന്റെ തലവനായിരുന്നു കന്തസ്വാമി
ചെന്നൈ:ബി ജെ പി ക്കും അമിത്ഷാക്കും വ്യകതമായ രാഷ്ട്രീയസന്ദേശം നൽകി തമിഴ് നാട്ടിൽ പോലീസിൽ അഴിച്ചുപണി .തമിഴ്നാട് വിജിലന്സ് അഴിമതി വിരുദ്ധ വിഭാഗം മേധാവിയായി ഗുജറാത്തിൽ അമിത്ഷായെ ഞെട്ടിച്ച ഐപിഎസ് ഉദ്യോഗസ്ഥന് പി.കന്തസ്വാമിയെ നിയമിച്ചു. ഡിജിപി റാങ്കോടു കൂടിയാണ് മുഖ്യന്ത്രി എം.കെ.സ്റ്റാലിന് കന്തസ്വാമിയെ നിയമിച്ചിരിക്കുന്നത്.2010-ല് സൊഹ്റാബുദ്ദീന് ഷെയ്ക് ഏറ്റുമുട്ടല് കേസിലെ കുറ്റാരോപണത്തില് ഗുജറാത്ത് ആഭ്യന്തര മന്ത്രിയായിരുന്ന അമിത് ഷായെ അറസ്റ്റ് ചെയ്ത സിബഐ അന്വേഷണ സംഘത്തിന്റെ തലവനായിരുന്നു കന്തസ്വാമി.
എടപ്പാടി പളനിസാമിയുടെ നേതൃത്വത്തിലുള്ള കഴിഞ്ഞ സര്ക്കാരിലെ ചില മന്ത്രിമാരെ ലക്ഷ്യമിട്ടാണ് കന്തസ്വാമിയുടെ നിയമനമെന്നാണ് സൂചന. അധികാരം ലഭിച്ചാല് എഐഡിഎംകെ ഭരണത്തിലെ അഴിമതിക്കാരായ മന്ത്രിമാരെ വെറുതെ വിടില്ലെന്ന് തിരഞ്ഞെടുപ്പ് പ്രചാരണ വേളയില് സ്റ്റാലിന് ആവര്ത്തിച്ച് പ്രഖ്യാപിച്ചിട്ടുണ്ട് എന്നതും ശ്രദ്ധേയമാണ്.മുന്മുഖ്യമന്ത്രിയും ഇപ്പോഴത്തെ പ്രതിപക്ഷ നേതാവുമായ എടപ്പാടി പളനിസാമിക്കെതിരെ അടക്കം ഡിഎംകെ അഴിമതി ആരോപണം ഉന്നയിച്ചിരുന്നു. വിജിലന്സിനും ഗവര്ണര്ക്കും ഇവര്ക്കെതിരെ സ്റ്റാലിന്റെ നേതൃത്വത്തിലുള്ള ഡിഎംകെ സംഘം പരാതി നല്കുകയും ചെയ്തിരുന്നു.
തമിഴ്നാട് കേഡര് ഐപിഎസ് ഉദ്യോഗസ്ഥാനായ കന്തസ്വാമി സിബിഐയില് ഐജി ആയിരുന്നപ്പോഴാണ് തന്റെ ഡെപ്യൂട്ടി ആയിരുന്ന ഡിഐജി അമിതാഭ് ഠാക്കൂറുമൊത്ത് അമിത് ഷായെ അറസ്റ്റ് ചെയ്തത്. കേസില് അമിത് ഷായെ കോടതി പിന്നീട് കുറ്റമുക്തനാക്കി.2007-ല് ഗോവയില് വെച്ച് ഒരു ബ്രിട്ടീഷ് കൗമാരക്കാരിയെ ബലാത്സംഗം ചെയ്തുകൊന്ന കേസ് അന്വേഷിച്ച കന്തസ്വമി മുഖ്യമന്ത്രി പിണറായി വിജയനെതിരെയുള്ള എസ്.എന്.സി.ലാവ്ലിന് കേസും അന്വേഷിച്ചിരുന്നു.