” പാർട്ടിക്ക് വിധേയപ്പെട്ടില്ലെങ്കിൽ പാർട്ടിയിൽ ഉണ്ടാവില്ല ”തരൂരിന് താക്കിതുമായി കെ സുധാകരൻ
പാർട്ടി തീരുമാനം എല്ലാവർക്കും ബാധകമാണ്.വ്യത്യസ്ത അഭിപ്രായങ്ങൾ ഉണ്ടാകാം.ഒടുവിൽ പാർട്ടി നയത്തിന് ഒപ്പമാകണം. തരൂരിനോട് പറയേണ്ടത് ഒക്കെ മുഖത്ത് നോക്കി പറഞ്ഞിട്ടുണ്ട്.
കണ്ണൂർ: ശശി തരൂരിനെതിരെ രൂക്ഷവിമർശനവുമായി കെപിസിസി അധ്യക്ഷൻ കെ.സുധാകരൻ . തരൂർ കോൺഗ്രസ് പാ‍ർട്ടിയിലെ ഒരു എം.പി മാത്രമാണെന്നും പാർട്ടി നിലപാട് അംഗീകരിച്ചില്ലെങ്കിൽ തരൂരിന് പുറത്തു പോകേണ്ടി വരുമെന്നും സുധാകരൻ പറഞ്ഞു. ഇക്കാര്യത്തിൽ ക‍ർശന നിലപാട് പാർട്ടിക്കുണ്ടെന്നും സുധാകരൻ വ്യക്തമാക്കി. കണ്ണൂരിൽ മാധ്യമങ്ങളുമായി സംസാരിക്കുമ്പോൾ ആണ് സുധാകരൻ ഇക്കാര്യം പറഞ്ഞത്.
” പാർട്ടിക്ക് വിധേയപ്പെട്ടില്ലെങ്കിൽ പാർട്ടിയിൽ ഉണ്ടാവില്ല ” ; തരൂരിന് കെപിസിസി നേതൃത്വത്തിന്‍റെ താക്കീത്
ശശി തരൂരിന് കെപിസിസി കെ സുധാകരന്‍റെ താക്കീത്. പാർട്ടിയ്ക്ക് വിധേയപ്പെട്ടില്ലെങ്കിൽ ശശി തരൂർ പാർട്ടിയിൽ ഉണ്ടാവില്ലെന്ന് കെ സുധാകരൻ.
ഒരേ ഒരു ശശി തരൂർ അല്ല കോണ്‍ഗ്രസ്. പാർട്ടി തീരുമാനം കെ സുധാകരനും തരൂരിനും ഒരുപോലെയാണെന്നും അദ്ദേഹം പറഞ്ഞു. തരൂരിന്റെ കഴിവിനെ അംഗീകരിക്കുന്നു.
പാർട്ടി തീരുമാനം എല്ലാവർക്കും ബാധകമാണ്.വ്യത്യസ്ത അഭിപ്രായങ്ങൾ ഉണ്ടാകാം.ഒടുവിൽ പാർട്ടി നയത്തിന് ഒപ്പമാകണം. തരൂരിനോട് പറയേണ്ടത് ഒക്കെ മുഖത്ത് നോക്കി പറഞ്ഞിട്ടുണ്ട്. തരൂരിന്റെ വിശാല ബോധത്തെ അംഗീകരിക്കുന്നു.തരൂർ ഇപ്പോഴും ഇന്ത്യൻ രാഷ്ട്രീയത്തിന്റെ നേരും വഴിലേക്ക് എത്തിയിട്ടില്ലെന്നും മാറുമായിരിക്കാം എന്നും കെ സുധാകരൻ വ്യക്തമാക്കി.
മരണാനന്തരം ശരീരം ദഹിപ്പിക്കണം എന്നു പറഞ്ഞ പിടി തോമസിൻ്റെ അന്ത്യാഭിലാഷം ഞങ്ങൾ നടത്തിക്കൊടുത്തു. മൂന്നാം തീയതി ചിതാഭസ്മം ഉപ്പു തോട്ടിലെ വീട്ടുകല്ലറയിൽ സമർപ്പിക്കും. പ്രകൃതി സംരക്ഷണവുമായി ബന്ധപ്പെട്ട വിഷയത്തിൽ പിടിയുടെ നിലപാടാണ് ശരി എന്ന് കാലം തെളിയിച്ചുവെന്ന പറഞ്ഞ സുധാകരൻ ഗാഡ്കിൽ വിഷയത്തിൽ പുരോഹിതർ പിടി തോമസിൻ്റെ ശവമഞ്ചം ചുമന്ന സംഭവം കഴിഞ്ഞ കാര്യമാണെന്നും അവർക്ക് അതിൽ പശ്ചാത്താപം ഉണ്ടെന്നും പറഞ്ഞു ഇക്കാര്യത്തിൽ താൻ കൂടുതൽ പ്രതികരണത്തിന് ഇല്ലെന്നും സുധാകരൻ വ്യക്തമാക്കി.
കേരളത്തി പൊലീസ് എന്ന സംവിധാനമുണ്ടോ എന്ന് ചോദിച്ച കെപിസിസി അധ്യക്ഷൻ കൊലപാതകങ്ങൾ തടയാൻ പൊലീസിന് കഴിയുന്നില്ലെന്ന് വിമ‍ർശിച്ചു. ആലപ്പുഴയിൽഎന്ത് മുൻ കരുതലാണ് പൊലീസ് എടുത്തത്. അവർക്ക് ഇൻറലിജൻസ് സംവിധാനം ഇല്ലേ. അവർ ചുമട്ട് തൊഴിലാളികളൊന്നും അല്ലല്ലോ. രാഷ്ട്രീം കലർത്തി പൊലീസിനെ നിഷ്ക്രിയമാക്കിയത് പൊലീസ് തന്നെയാണ്. കേരള പൊലീസിന് മേൽ പിണറായി വിജയന് ഒരു നിയന്ത്രണവും ഇല്ല. കെ. റെയിൽ പിണറായി സർക്കാരിന് ഉണ്ടാക്കാനുള്ള പണം പദ്ധതി മാത്രമാണെന്നും സുധാകരൻ പറഞ്ഞു. ഡിസംബർ 28-ന് കോൺഗ്രസിൻ്റെ ജന്മദിനം വലിയ തോതിൽ നടത്തുമെന്ന് സുധാകരൻ അറിയിച്ചു. പാർട്ടിയുടെ 137-ാം ജന്മദിനാഘോഷങ്ങൾക്ക് ഫണ്ട് സ്വരൂപിക്കാനായി കെപിസിസി 137 രൂപ ചലഞ്ച് ഓൺലൈനായി നടത്തും
സംവിധായകൻ രഞ്ജിത്ത് ചലച്ചിത്ര അക്കാദമി ചെയർമാൻ എം ജി ശ്രീകുമാർ കേരള സംഗീത നാടക അക്കാദമി ചെയർമാൻ