തൃശ്ശൂരിലെ വോട്ടര്പ്പട്ടികയില് ക്രമക്കേട് , പൂങ്കുന്നം ശങ്കരങ്കുളങ്ങരയിലെ ഫ്ലാറ്റിൽ മാത്രം 79 പേരെ ക്രമരഹിതമായി പട്ടികയിൽ ഉൾപ്പെടുത്തി
പൂങ്കുന്നം ശങ്കരങ്കുളങ്ങരയിലെ ഫ്ലാറ്റിൽ മാത്രം 79 പേരെ ക്രമരഹിതമായി പട്ടികയിൽ ഉൾപ്പെടുത്തി എന്ന് കോൺഗ്രസിന്റെ മുൻ കൗൺസിലർ വത്സല ബാബുരാജ് പറഞ്ഞു. തൊട്ടടുത്ത വാട്ടർ ലില്ലി ഫ്ലാറ്റിൽ 38 വോട്ടുകളും ചേർക്കപ്പെട്ടു
തൃശ്ശൂര് | തൃശ്ശൂരിലെ വോട്ടര്പ്പട്ടികയില് ക്രമക്കേട് നടന്നതിന്റെ കൂടുതല് തെളിവുകള് പുറത്തുവന്നു . പൂങ്കുന്നം ശങ്കരങ്കുളങ്ങരയിലെ ഫ്ലാറ്റിൽ മാത്രം 79 പേരെ ക്രമരഹിതമായി പട്ടികയിൽ ഉൾപ്പെടുത്തി എന്ന് കോൺഗ്രസിന്റെ മുൻ കൗൺസിലർ വത്സല ബാബുരാജ് പറഞ്ഞു. തൊട്ടടുത്ത വാട്ടർ ലില്ലി ഫ്ലാറ്റിൽ 38 വോട്ടുകളും ചേർക്കപ്പെട്ടു. കോൺഗ്രസിന്റെ ബൂത്ത് ഏജന്റുമാർ ജില്ലാ കളക്ടറോട് പരാതി പറഞ്ഞതിനെ തുടർന്നാണ് ഈ വോട്ടുകൾ പോൾ ചെയ്യുന്നത് തടഞ്ഞത്. ഇക്കൂട്ടത്തിൽ ഒരാൾ മാത്രം വോട്ട് ചെയ്തു പോയെന്നും വത്സല ബാബുരാജ് പ്രതികരിച്ചു.
അനധികൃതമായി ചേര്ത്തവരില് ഒരാള് മാത്രമാണ് വോട്ട് ചെയ്തതെന്നാണ് അറിയാന് സാധിക്കുന്നത്. പൂങ്കുന്നത്തെ ഇന്ലന്ഡ് അപ്പാര്ട്ട്മെന്റില് മാത്രം 79 വോട്ട് ക്രമരഹിതമായി ചേര്ത്തു. ഇവരൊന്നും തന്നെ അപ്പാര്ട്ട്മെന്റിലെ താമസക്കാരല്ല. ഇവരെല്ലാം ആലത്തൂര് മണ്ഡലത്തിലുള്ളവരാണ്. വാട്ടര്ലില്ലി ഫ്ളാറ്റിലും 39 പേരെ പുതുതായി വോട്ടര്പട്ടികയില് ചേര്ത്തുവെന്നും വത്സലാ ബാബുരാജ് പറഞ്ഞു.