അസമിലെ ബടഗവോണില്‍ വൻ ആയുധശേഖരം കണ്ടെത്തി
ബടഗവോണിലെ വനപ്രദേശത്തുനിന്നാണ് സ്‌ഫോടനവസ്തുക്കളടങ്ങിയ ശേഖരം പിടിച്ചെടുത്തത്
അസമിലെ ബടഗവോണില്‍ ഉടല്‍ഗുരി പോലിസും ഇന്ത്യന്‍ സൈന്യവും നടത്തിയ സംയുക്ത തിരച്ചിലില്‍ വമ്പൻ ആയുധശേഖരം കണ്ടെത്തി. ബടഗവോണിലെ വനപ്രദേശത്തുനിന്നാണ് സ്‌ഫോടനവസ്തുക്കളടങ്ങിയ ശേഖരം പിടിച്ചെടുത്തത്.തിരച്ചിലിനിടയില്‍ എകെ 56 റൈഫിളും 12 റൗണ്ട് തിരകളും ലഭിച്ചു, ഒരു റോക്കറ്റ് ലോഞ്ചര്‍, അവയ്ക്കുപയോഗിക്കുന്ന അഞ്ച് റോക്കറ്റും ഡിറ്റൊനേറ്ററുകളും വയറുകളും ലഭിച്ചിട്ടുണ്ട്. വെടിക്കോപ്പുകളും ആയുധങ്ങളും വനപ്രദേശത്ത് മണ്ണില്‍ കുഴിച്ചിട്ട നിലയിലായിരുന്നു. സംഭവത്തെ കുറിച്ച്‌ അന്വേഷണം പുരോഗമിക്കുന്നു
എകെ 56 റൈഫില്‍, 12 റൗണ്ട് വെടിക്കോപ്പ്, കൂടാതെ സ്‌ഫോടക വസ്തുക്കളുമാണ് പിടികൂടിയിട്ടുള്ളതെന്ന് അസം പോലിസ് പുറത്തിറക്കിയ പ്രസ്താവനയില്‍ പറയുന്നു.