കാമ്പസുകളിൽ ‘വിഭജന ഭീതി ദിനാചരണം’ നടത്തരുതെന്ന് ഉന്നത വിദ്യാഭ്യാസ മന്ത്രി ഡോ. ആർ. ബിന്ദു
കലാലയങ്ങൾ മതനിരപേക്ഷതയുടെയും സാമൂഹിക സൗഹാർദ്ദത്തിന്റെയും കേന്ദ്രങ്ങളായി നിലകൊള്ളേണ്ടതാണ്. എന്നാൽ ‘വിഭജന ഭീതി ദിനാചരണം’ നടത്തുന്നത് കലാലയങ്ങളിലെ മതനിരപേക്ഷ അന്തരീക്ഷം തകർക്കാനും വിദ്യാർത്ഥികൾക്കിടയിൽ ഭിന്നത ഉണ്ടാക്കാനും ഇടയാക്കും. സമൂഹത്തിൽ വർഗീയ വിദ്വേഷം വളർത്തുന്നതിനും ഇത് കാരണമാകും
തിരുവനന്തപുരം | കോളജ് കാമ്പസുകളിൽ ‘വിഭജന ഭീതി ദിനാചരണം’ നടത്തരുതെന്ന് ഉന്നത വിദ്യാഭ്യാസ മന്ത്രി ഡോ. ആർ. ബിന്ദു നിർദേശം നൽകി. പരിപാടി സാമുദായിക സൗഹാര്ദം തകര്ക്കുന്നതിനും സാമുദായിക സ്പര്ധ വളര്ത്തുന്നതിനും കാരണമാകുമെന്ന് വകുപ്പ് ഇമെയില് വഴി നിര്ദേശം നല്കി. ഇത് സംബന്ധിച്ച് മുഴുവന് കോളേജുകള്ക്കും അടിയന്തിരമായി അറിയിപ്പ് നല്കണമെന്ന് സര്വ്വകലാശാല ഡീന് നിര്ദേശം നല്കി. എല്ലാ കോളേജുകൾക്കും ഇത് സംബന്ധിച്ച അടിയന്തിര അറിയിപ്പ് നൽകണമെന്നും മന്ത്രി നിർദേശിച്ചു.
ഇന്ത്യാ വിഭജനത്തിന്റെ ഭീകരത ഓർക്കാൻ എല്ലാ വർഷവും ഓഗസ്റ്റ് 14 ന് കേന്ദ്ര സർക്കാർ നടത്തുന്ന ദിനാചരണമാണ് വിഭജന ഭീതി ദിനാചരണം ഇന്ത്യയുടെ വിഭജനത്തിന് കാരണമായവരുടെ സ്മരണ നിലനിർത്താനാണ് ഈ ദിനാചരണം നടത്തുന്നത്. എന്നാൽ ഈ പരിപാടി കാമ്പസുകളിൽ നടത്തുന്നത് വർഗീയ സ്പർധ വർധിപ്പിക്കാൻ കാരണമാകും എന്ന വിലയിരുത്തലിലാണ് മന്ത്രി ഈ ഉത്തരവ് ഇറക്കിയത്.കലാലയങ്ങൾ മതനിരപേക്ഷതയുടെയും സാമൂഹിക സൗഹാർദ്ദത്തിന്റെയും കേന്ദ്രങ്ങളായി നിലകൊള്ളേണ്ടതാണ്. എന്നാൽ ‘വിഭജന ഭീതി ദിനാചരണം’ നടത്തുന്നത് കലാലയങ്ങളിലെ മതനിരപേക്ഷ അന്തരീക്ഷം തകർക്കാനും വിദ്യാർത്ഥികൾക്കിടയിൽ ഭിന്നത ഉണ്ടാക്കാനും ഇടയാക്കും. സമൂഹത്തിൽ വർഗീയ വിദ്വേഷം വളർത്തുന്നതിനും ഇത് കാരണമാകും. ഇത്തരം ദിനാചരണങ്ങൾ കാമ്പസുകളിൽ നടത്തുന്നത് കർശനമായി വിലക്കണമെന്ന് ആവശ്യപ്പെട്ടുകൊണ്ട് എല്ലാ കോളേജുകൾക്കും ഇ-മെയിലിലൂടെയാണ് മന്ത്രി ഡോ. ആർ. ബിന്ദു നിർദേശം നിൽകിയത്.
അതേസമയം അതിനിടെ കാസര്കോട് കേന്ദ്ര സര്വ്വകലാശാലയില് വിഭജന ഭീതി ദിനം ആചരിച്ചു. പുലര്ച്ചെ 12.30 ഓടെയാണ് വിഭജന ഭീതി ദിനം ആചരിച്ചത്. എബിവിപി ദേശീയ നിര്വാഹക സമിതി അംഗം അഭിനവ് തൂണേരിയുടെ നേതൃത്വത്തില് ആയിരുന്നു പരിപാടി.സര്വ്വകലാശാലയില് ഇന്ന് മുഴുവന് വിഭജന ഭീതി ദിനമായി ആചരിക്കാനാണ് തീരുമാനം.കേരള സര്വ്വകലാശാലയ്ക്ക് കീഴിലെ കോളേജുകളില് വിഭജന ഭീതി ദിനം ആചരിക്കണമെന്ന് വൈസ് ചാന്സലര് ഡോ. മോഹനന് കുന്നുമ്മല് സര്ക്കുലര് അയച്ചിരുന്നു. ഓഗസ്റ്റ് 14 വിഭജനഭീതി ദിനമായി ആചരിക്കണമെന്നാണ് നിര്ദ്ദേശം. സര്വകലാശാലയിലും പരിപാടികള് സംഘടിപ്പിക്കും. സെനറ്റ് ഹാളില് പരിപാടി നടത്താനാണ് ആലോചന. ഇന്ത്യാ വിഭജനത്തിന്റെ ഭീകരത സ്മരിക്കാന് ഓഗസ്റ്റ് 14-ന് പ്രത്യേക ദിനാചരണം സംഘടിപ്പിക്കാനാണ് സംസ്ഥാനത്തെ സര്വകലാശാലകള്ക്ക് ഗവര്ണര് രാജേന്ദ്ര അര്ലേക്കര് നിര്ദ്ദേശം നല്കിയത്.