breaking news വിങ് കമാൻഡർ അഭിനന്ദൻ വർദ്ധമാൻ വാഗാ അതിർത്തിയിലെത്തി. ഇന്ത്യൻ സൈന്യത്തിന് അഭിനന്ദനെ കൈമാറി
വാഗാ അതിർത്തി: വിങ് കമാൻഡർ അഭിനന്ദൻ വർദ്ധമാൻ വാഗാ അതിർത്തിയിലെത്തി. ഇന്ത്യൻ സൈന്യത്തിന് അഭിനന്ദനെ കൈമാറുന്ന ചടങ്ങാണ് നടക്കുന്നത്. പാക് അതിർത്തിയിലാണ് അഭിനന്ദനിപ്പോൾ. ഉടൻ ഇന്ത്യൻ അതിർത്തിയിലേക്ക് അഭിനന്ദനെ എത്തിക്കും. അൽപസമയം മുമ്പ് അഭിനന്ദന്‍റെ ഒരു വീഡിയോ പാക് മാധ്യമങ്ങൾ പുറത്തുവിട്ടിരുന്നു.
പാക് റേഞ്ചർമാരുടെ ഒപ്പമാണ് വിങ് കമാൻഡർ അഭിനന്ദൻ വർദ്ധമാൻ എത്തിയിരിക്കുന്നത്. കനത്ത സുരക്ഷാ സന്നാഹമാണ് അതിർത്തിയിൽ ഒരുക്കിയിരിക്കുന്നത്. ഇന്ത്യൻ അതിർത്തിയിൽ ബിഎസ്എഫ് വൻ സുരക്ഷാ സന്നാഹമാണ് ഒരുക്കുന്നത്.
അഭിനന്ദന്‍റെ കൈമാറ്റം വൈകുകയായിരുന്നു. രണ്ട് തവണ അഭിനന്ദനെ കൈമാറുന്ന സമയം പാക് സൈന്യം മാറ്റിയിരുന്നു.